Poison Rally 2011 en die Rat Bike verskynsel…

Ja, ek het toe my hart gevolg en Poison Rally toe gegaan die naweek. En ja, ek het my mooi soet gedra, soos ‘n dominee betaam…

Huisbesoek het hom ook baie mooi gedra langs die pad- ek wens net ek kon opgradeer na anderkant 1000 cc toe… Hierdie fiets gelaai is maar redelik stadig…

 

 

Die een ding wat my op ‘n Rally fassineer, is die kategorie van die Rat Bikes.  Ander mense probeer hulle bes om die mooiste fiets op die rally te hê, en hulle wen die Concourse pryse daarvoor. Party motorfietse kos later tot drie keer ‘n nuwe een se prys, met alles wat mooi gemaak is op die fiets. Maar sulke fietse word dikwels agter op ‘n sleepwa tot by die rally gery. Hulle word onder doeke toegehou om nie ‘n enkele stofkorreltjie te kry nie. Dis baie mooi om te sien…

 

Maar dis nie heeltemal die gees van motorfietsry wat my inspireer nie.

 

 

Totaal aan die ander kant van die spektrum is die sogenaamde Rat Bike klas. ‘n Fiets wat absoluut glad nie lyk soos wat die fabriek hom beplan het nie. Die ontwerpers het waarskynlik ‘n hartaanval as hulle die eens pragtige skepping so sien lyk. Die Rat Bike maak ook ‘n statement- dit is dikwels van jou meer hard-core motorfietsryers wat met ‘n lae begroting ‘n ou fiets op die pad probeer hou. En dan iets daarmee sê. By die Poison Rally vanjaar het hierdie ou Kawasaki Z1000 die Rat Bike kategorie loshande gewen.

 

 

Die een ding wat hierdie jaar baie goed was, was dat al die Concourse fietse wel  ‘n ent moes kon ry- dit kon nie net ‘n aanmekaar geplakte ding wees wat soos ‘n motorfiets lyk nie.

 

 

‘n Baie sentrale tema in motorfietsry is die spot met die dood. Ja, ons weet ons speelgoed is gevaarlik. En die hartseer is dat daar weer hierdie jaar ‘n sterfte was- 30 km voor Kroonstad het ‘n dronk voetganger voor ‘n motorfiets ingehardloop, en die voetganger en motorfiets bestuurder is op slag dood, met die passasier wat in die hospitaal opgeneem is, toestand onbekend.  ‘n Mens kan doodgaan op ‘n motorfiets, baie vinnig ook. Miskien is dit een van die redes waarom dit die lewe soveel meer intens maak…

 

Natuurlik gaan hierdie humor nie in almal se smaak val nie. Maar dit wil juis ‘n anti- establishment statement maak.

Verder is die humorsin gewoonlik donker, en vreemd…  so anders as die plaaslike kerkbasaar…

 

 

‘n Rally is seker ook die enigste plek waar die Tattoo parlor reg langs die kerk se koffietent is, en daar geen kwade gevoelens heen en weer is nie…

 

Die wonderlike ding van ‘n rally is: hier dra mense nie maskers nie. Hier is jy presies wie jy is. En ander mense aanvaar jou so. En dis hoekom dit so lekker is om net soms weg te breek na ‘n rally toe…

Advertisements

9 thoughts on “Poison Rally 2011 en die Rat Bike verskynsel…

  1. In my wêreld is die “paradise” en “Staffierallies” groot gebeurtenisse. Verskoon my as ek nie opgewonde raak daaroor nie. Het al gesien dis meestal gegoede ou mans wie die geleentheid aangryp om wettig jimpel en dronk te wees. Dis vir my ook onverstaanbaar dat hulle na ‘n motorfiets-rally kom met hulle motorfiets agter op ‘n bakkie of sleepwa.

    • Dis daai ou manne en padvarke wat uitstaan in ‘n klein dorpie. Maar daar is baie rustige bikers wat hulle baie goed gedra, en redelik baie tot ‘n dorpie se ekonomie bydra met hulle etes en rustige drankies êrens. As ek so na die Poison gekyk het met 8000 bikers die naweek, dink ek daar was dalk minder as 200 raasgatte…

  2. Terug pieng: Sewe Skandes, Sondes of Sommernet « Kouevuur

  3. daai groen fiets is pioson toe gery van af bobsburg ek is die eienaar daarvan en wil net se dit is so onregverdig as trailerbikes die concourse wen hulle moet meer kategoriee he en mooi kyk watter fietse ry en watter op trailers kom,maar dit was lekker by die rally.

    • Vriend, baie respek vir jou en jou mooi groen bike! Geen disrespek teenoor jou bedoel nie, hoor! Dis regtig ‘n mooi fiets wat getuig van ure se baie harde werk en liefde, dis hoekom ek hom afgeneem het- jou fiets het met my gepraat!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s