Die Psigiater sê…

Vanoggend by die Kreatiewe Verouderingkursus het ons aan die voete van ‘n Psigiater gesit. Ons het geleer oor die Psigiatriese wêreld waarin die ouer wordende persoon hom of haarself bevind.

Ek kan vir julle sê: ek is ‘n diep bekommerde man. Bekommerd, oor die pad na oudword met soveel rotse besaai is. En nou wil ek julle ook opsaal met die bekommernis oor JOU oudag.

1. Daar is net 350 Psigiaters in ons land. Daar kort 10 000. En die gemiddelde afspraak kos R1400. Die meeste van ons is dadelik in ons moer as ons ‘n Psigiater nodig het.

2. As ‘n mens meer as drie keer per week alkohol gebruik, is jy ‘n alkoholis. As dit meer as drie doppe per sessie is, is dit nogal ernstig. Die twee aande van die kursus het my en kollega klaar op die rand van GROOT moeilikheid!

3. Die simptome van depressie is:
* moeilikheid om te slaap
* geïrriteerdheid
* tranerigheid
* gevoelens van skuld en hopeloosheid
* onvermoë om te konsentreer
*moegheid en energieloos
* herhalende gedagtes van dood of selfmoord
(O liewe hemel…) En dan die enigste teken dat ek nie depressie het nie:
* verminderde aptyt en gewigsverlies…

4. Die een ding wat Alzheimers teenwerk is om hardop te lees (geen Ds het dus Alzheimers nie…)

5. Ouderdom onder natuurlike omstandighede gaan nie met geheueverlies gepaard nie. ek wou nog iets hieroor gesê het… Wat was dit nou weer?

Die Psigiater het nog ‘n hele paar dinge gesê, maar toe pass ek uit as gevolg van traumatiese breinoorlading. Die vlakke van breinoordragstowwe te wete serotonien, dopamien en noradrenalien is glo normaal, maar ek het nie genoeg reseptore nie.

Die faktore en reseptore en professore maak die ouer word proses al hoe moeiliker vir my jong onskuldige gemoed. En ek het omtrent al die simptome in die DSM- IV, maar met die koste van 1 uur se Psigiatriese hulp kan ek en ou Huisbesoek die Kaap haal- baie goeie terapie om die lewe van die motorfiets se begrypende rug af te beleef- soveel deernis en empatie wat my Aprilia altyd na my toe uitstraal!

Daarom onderneem ek vanoggend om hierdie groot waarheid aan te gryp en uit te leef: ” It is never too late to have a happy childhood…”

9 thoughts on “Die Psigiater sê…

  1. “It is never too late to have a happy childhood”
    Hoe later in jou lewe jy dit aanpak, hoe beter kans het jy om daarmee weg te kom want jy kan die blaam op ‘n hele rits ouderdom verwante toestande pak. Klink vir my na ‘n wen-wen situasie

    • Ons sal maar disgracefully oud word, né Plasie! Dit lyk my ons steur ons soms te veel aan mense wat dalk nie eers oor 10 jaar gaan onthou wie ons is nie, wat nog te sê wat ons alles aangevang het…

  2. Daar kon nou al (of wag, amper) 351 psigiaters in die land gewees het. As ‘n sekere Mej Phoenix wel medies gaan swot het.
    😆

    Ek wonder nou, jy is seker daar is darem nie een by nie?

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s