Daar’s ‘n hele spul ketters in die NG Kerk…

Op die wysie van “Brakke van Turffontein”-  

‘n Lied

Daar in die ou NG Kerk van my

Moet jy baie versigtig wees wat jy bely…

Ons kry soms so swaar met al die dwalendes daar

Ja wees tog net versigtig met  wat jy bely…

Daar’s ‘n hele spul ketters in die NG Kerk

‘n helse klomp dooms wat nie meer hier moet werk

Party sê Jesus het nie opgestaan

anner oor die duiwel ernstig vermaan

Ja so baie ketters vandag in die NG Kerk…

Het Jesus toe opgestaan soos Ferdie dit wil hê,

lyk die duiwel presies soos wat Wynand sê?

Smaak my sommiges se posisie,

verdien die Spaanse Inkwisisie

Steek aan die vure onder die ketters van die NG Kerk…

O wee, die kerk legitimeer ‘n Goth,

dis seker baie beter as ‘n duiwelse mof

So min is nog reg,

so baie is nou sleg,

wat op aarde is nou fout met die NG Kerk?

(met apologie aan Al Debbo)

Met ‘n tong in die kies is hierdie oor ‘n baie ernstige onderwerp geskrywe. Dit is vir my verskriklik hoe maklik sommiges in die kerk ander in boksies kan indruk as hulle nie presies glo soos  die ander dit wil hê nie. ‘n Leerdwalingklag  oor die bestaan van die die duiwel aldan nie? Dit klink vir my soos die heksejag van Salem!

Ek het nou die aand ‘n program op Discovery gesien oor die martelinstrumente wat die Spaanse Inkwisisie gebruik het om belydenisse uit vermoede ketters uit te pers. Daar was die ysterstoel, waaronder daar vuur gemaak is, nie genoeg om dood te maak nie, maar uiterste pyn op die naakte ketter te veroorsaak. Daar was die balie met spykers, waarop iemand naak neergelê is dat dit al sy ingewande uitryg. Daar was die piramidestoel van yster waarop iemand se alie laat val is om so seer as moontlik te maak. Die garrotte, waar iemand se nek toegedruk is tot hy versmoor is. Die Y-vormige bank waarop iemand gerek is tot sy liggaam uitmekaar geskeur het.

As ek aan die Spaanse Inkwisisie dink, of die heksejagte van Salem, dan wil ek huil dat mense dit in die Naam van Jesus gedoen het…

Oor die heksejagte van Salem- gaan Google dit gerus- daar was sekere swamme wat in klam huise in die Boston omgewing van Amerika ontstaan het, wat tot hallusinasies en vreemde gedrag gelei het, juis waar sommige ouer dames die wasgoed gewas het. En as gevolg van hulle optrede is hulle as hekse veroordeel en verbrand!

Hierdie optrede in die kerkgeskiedenis walg my! En ek sien dieselfde gees meer en meer in blogs, in boeke, in die Kerkbode se facebook groep, hoe elkeen wat bietjie anders is of dink as ‘n ketter uitgemaakl word, en uit die kerk uitgejaag wil word.

Soos in die gesprek oor die Goth Proponent wil ek weer vra: Waar is die liefdesgebod van Romeine 14?

Wat sê julle heksejagters van Efesiërs 1:10- dat Jesus se doel is om alles en almal onder een Hoof te verenig?   Wat het geword van die kerk wat gebou is op die belydenis dat Jesus die Here is, en almal wat dit onderskryf, is deel van die een Liggaam van die Here?  Wie is Drikus om te besluit dat Annari nie ‘n kind van die Here kan wees as sy ‘n Goth is nie?  Of Wynand wat so graag vir Ben wil uithaal oor sy duiwel anders lyk as Wynand s’n?

Die kerk baklei oor nonsens, en die wêreld glo die getuienis al minder. Ons lidmate lees hierdie goeters in die Kerkbode en Beeld, en wonder wat het van die liefde geword.

Nou gaan julle my ook in ‘n boksie wil plaas. Nee, ek is nie ‘n Nuwe Hervormer nie.  Ek glo dat Jesus werklik opgestaan het en die lewende Here is. En nee, ek wil verseker ook nie saam met die Inkwisisie gereken word wat opsweep dat die kerk ‘n nes vol ketters is, wat deur Carletonville se ou skoolhoof, die Baptiste Doom, aangespreek word oor ons reddende geloof versaak nie… Ek pas nie in een van julle boksies in nie.  Ek glo dat Jesus die Here is, en dat ons mekaar moet liefhê.

So liewe ketterjagters- hier is die vuurhoutjie vir my vuur:

Ek glo soos die kleurlinggemeente dit bely het:

Die Here Jesus is goed, loof Hom!

Die duiwel is boos, fok hom…

Amen.

(nog ‘n vloekende Dominee- bel die Son!)

Advertisements

79 thoughts on “Daar’s ‘n hele spul ketters in die NG Kerk…

  1. Brakke- Al Debbo

    ~~~
    In Turffontein woon ‘n maat van my
    En hy kan so lekker brei
    Hy kry baie swaar met die brakke daar;
    Nou hoor nou wat sê hy:

    Daar’s ‘n hele spul BRAKKE in TURFFONTEIN
    Daar’s ‘n hele supl brakke van groot tot klein,
    Daar is rooies en daar’s bontes
    daar is alles wat ‘n hond is,
    Daar’s ‘n hele spul brakke in Turffontein.

    Dis ‘n naarheid as daardie spul brakke tjank;
    Ja die wêreld gee antwoord op daardie klank,
    Van die rooies en die bontes,
    van net alles wat ‘n hond is,
    van die hele spul brakke van Turffontein.

    Net soos ek diep slaap,
    En drome my toesak,
    Blaf daar weer,
    hier voor my deur,
    so waarlik weer ‘n brak.

    Nou as daardie spul brakke my rus weer stoor
    gaan ek hulle so wagtie die lot vermoor
    Al die rooies en die bontes,
    ja net alles wat ‘n hond is,
    ja die hele spul brakke van Turffontein.

  2. Hoe slimmer die mensdom dink hy raak hoe dommer raak hy eintlik. Ek moet toegee dat ek soms bekommerd raak (as dopper) as ek hoor wat sekere NG manne kwytraak, maar ek glo en hoop dat hulle die uitsonderings is in die groter prentjie.

    Soos jy sê, die verlossingsboodskap is eintlik vreeslik eenvoudig en mense laat hulle aandag ongelukkig dwaal met hierdie garnish.

    • Dis juis die punt, liewe Kaapse vriend, daar word so baie in die openbaar baklei dat niemand meer wil glo die NG Kerk het enige boodskap vir die wêreld nie. Terwyl in ons gemeente probeer ons verskriklik hard om die boodskap uit te leef dat Jesus die Here is, wat mense nuut maak en hoop vir die wêreld bring. Dan lees my gemeentelede hierdie nonsens in die Beeld en Kerkbode, en wonder hoekom lieg ek so vir hulle oor ‘n plek van liefde in hierdie wêreld- die kerk. Jy weet hoe ek deur die ateïste op litnet uitmekaar getrek is juis oor hierdie tipe ongeloofwaardigheid van die kerk- ons praat liefde en kry nie eers mekaar in die kerk liefgehê nie, hoe wil ons dan met hulle praat daaroor? En dit breek my hart!

  3. Miskien maak Christene geloof te tegnies . Miskien raak hul selfsugtig oor geloof , en wil dit beleef soos ‘ myne-myne’! miskien moet daar teruggekeer word na net die basiese Ek glo … en beleef … en ervaar en dankbaar weees vir Sy groot Genade.

  4. Hallo Donkie

    Dit is vir my nogal ‘n voorreg om op jou blog genoem te word.

    Op die ou end, Donkie, gaan dit maar alles oor wie ons dink God is, en wie ons dink ons is.

    As ons, soos Dr Ben du Toit en Dr Julian Muller dink ons is self god, (lees maar Ben se boek, hy sê dit baie duidelik daarin) dan moet ons Jesus so ‘n biki afbring na ons eie vlak.

    Jesus het gesê die duiwel bestaan. Maar Jesus was ‘n mens soos wat ons mense is. En Jesus was god soos wat ons god is. Daarom, omdat ons self dikwels nonsens praat, het Jesus ook dikwels nonsens gepraat. Om die waarheid te sê, so beweer Dr du Toit, omdat ons nou die voordeel van die wetenskap het praat ons baie minder nonsens as Jesus.

    Die duiwel? Pure voor-wetenskaplike twak. (Verwys asb weer Ben se boek)

    Ons weet baie beter, want anders as Jesus, is ons nie net god nie, ons is ook WETENSKAPLIK!

    En wat van God? Kyk laat ons nou eerlik wees, Donkie, as ons self god is, dan is God glad nie so wonderlik as wat mense gedink het nie. Hy is byvoorbeeld nie by magte om ‘n boek te laat saamstel wat ‘n betroubare bron van kennis is nie. Die Bybel? Mooi stories uit ‘n voor wetenskaplike tyd.

    Natuurlik is die Spaanse Inkwisisie altyd ‘n goeie gesprekspunt. Dit is natuurlik ‘n afgeleide wet van Godwin se Wet, Reductio ad Hitlerum: Reductio ad Inkwisitorum (of so iets -my Latyn is nie so wonnerlik nie).

    Die feit dat ‘n ‘n NG Kerk tugkommissie geen mag het oor die mense wat hulle VRYWILLIG aan die kerk se opsig en tug onderwerp nie maak nie saak nie. Waarom sou ons nou die feit dat die NGK ‘n vrywillige organisasie is in die pad van ‘n goeie ou Reductio ad Inkwisitorum laat kom? Almal voel tog so regverdig as hulle nie soos DAAI Spaanse Inkwisisie is nie! (Of soos die uwe is, wat soos DAAI Spaanse inkwisie is.)

    Basislyn, Donkie: ‘n Leraar in die NG Kerk wat die bestaan van die duiwel ontken verbreek sy legitimasie eed en dus sy dienskontrak, en as hy aanbly in die NG Kerk as leraar pleeg hy bedrog.

    Hy is ‘n skelm. En slegs postmoderne denkgimnastiek sal maak dat die feit nie meer jou brein so seer maak nie.

    O ja, gaan lees maar wat se die boek Esegiel van mense wat dink hulle is God.

    Groete

    Wynand Louw

    Hier is iets spesiaal vir jou by die skakel hieronder!

    • Dankie vir die antwoord Wynand. ‘n Bietjie agtergrond- ek het op litnet geblog totdat die persoonlike aanvalle van die ateiste vir my te veel geword het. Ek is te naief vir hulle. Volgens die wetenskaplikes is ek te onkundig om iets te sê te mag hê. By die ateiste is ek nie tuis nie. Ek sal waarskynlik tuis wees in die geselskap van die gelowiges- so het ek gedink. Want Jesus is ons Here, en ons is een huisgesin, wat so eensgesind saam lewe dat die wêreld sal glo dat Jesus die Here is- Johannes 17 se gebed. Die fondament van my kerkverstaan is Ef 1:10- dat Jesus besig is om een kerk te versamel onder een Hoof. Maar nee, soos die link hier onder is die Kerk ook nou Konstantyn se werke, en totaal verkeerd. Dit moet “gemeente” wees volgens my Charismatiese vriende. Vir hulle is ek “kerk” en aanbid daarom die Songodin…. Ek pas nie daar in nie. In my eie kerk- daar is ouens wat vreeslike goeters sê soos dat Jesus nie die Here is nie, of die Bybel nie die Woord van God is soos ek dit verstaan nie. Ek voel nie tuis by hulle nie. Maar daar is ook ouens soos jy wat sê al die goed wat ek al uit die Emergent Church gelees het, en wat vir my baie beteken het, soos bv Brian Maclaren se werke, is ook verkeerd. En mense soos Nelus Niemandt wat vir my al so baie beteken het in my verstaan van die gehate “kerk” woord op plekke soos die Kerk se lentekonferense, is nou ook verkeerd en dwaalleraars. Hulle moet bedank, sê mense soos jy, hulle is nie meer welkom in die kerk nie.

      Nou- liewe Wynand, verstaan jy dat ek nou teologies en eksistensieël baie verward is. Ek het soos ‘n kind geglo dat Jesus die Here is, en dat almal wat in Hom glo, deel uitmaak van sy een Liggaam. En dat daar soms verskille tussen ons mense is oor presies wat ons verstaan met sekere woorde, maar waar Jesus as Here bely word, is ons kerk. Herdie blog hierbo is, soos in die gesprek oor die Goth proponent se kommentare genoem, net my eie persoonlike sienings. Ek verteenwoordig niemand hier nie. Ek probeer ongenuanseerd verwoord dat daar in my hart ‘n groot stuk seer is oor die skeuring en verdeeldheid in my kerk, en in die kerklike wêreld in die breër sin van die woord. Die ateïste lag ons uit- en ons skiet onsself in die voet met die aanhoudende openbare bakleiery in die openbare media soos die Beeld, die Kerkbode (en sy facebookgroep). My lidmate lees hierdie dinge, en elke week kom iemand by my aan en vra: “En wat vang die NG Kerk nou al weer aan?” As ek dan verward oor al die strominge in my eie kerk is, hoe moet lidmate die aanhoudende bakleiery ervaar?

      Ek pleit vir liefde en eenheid deur die Gees gebring in ons kerk. So hierdie is glad nie as ‘n aanval op jou bedoel; nie, ek wil juis nie meer baklei nie! Hierdie is my eie denke oor ‘n toestand in ons kerk waaroor ek huil op die oomblik.

  5. Donkie, dankie vir jou hart hierbo.

    Ek huil ook oor wat in die NG Kerk gebeur.

    Jy is nie die enigste wat eksitensieel verward is nie. Baie is, omdat ons leiers nie leiding neem nie. En ons leiers soos Julian Muller en du Toit stel dit dogmaties dat daar geen dogma kan wees nie. Hulle stel met volle sekerheid dat daar geen sekerheid kan wees nie. Eksistensiele verwarring is vir hulle dus die toppunt van goed – ons mag nie standpunt inneem nie. Ons mag nie die waarheid verkondig nie want die waarheid is volgens hulle liefdeloos.

    Julian se boek “Om te mag twyfel” verhef jou eksistensiele verwarring tot next to godliness.

    En tog is dit nie wat God ons leer nie.

    Jy sien, Donkie, die probleem kom oor hoe ons die waarheid sien.

    Die Bybel leer dat alle waarheid gegrond is in God en sy Persoon. En die Heilige Gees maak hierdie feit in ons harte lewend.

    Modernisme (Wat Ben en Nelus beweer is die epistemologie van die Gereformeerde geloof – dit is vals) beweer dat die grond van kennis die mens se ervaring en rede is.

    Postmodernisme beweer heeltemal korrek dat die mens se rede en ervaring nie betroubaar is nie, daarom is alle kennis onseker. Maar post modernisme is maar net onseker modernisme – in die sin dat dit, soos modernisme, God as die bron van kennis verwerp.

    Ben du Toit en Julian Muller stel postmodernisme as die oplossing vir modernisme. Hulle omhels postmodernisme onkrities, en kan daarom nie meer die Bybel glo nie.

    Toe iemand vir Karl Barth, ‘n redelik modernistiese teoloog, vra wat die beste ding is wat hy weet antwoord hy “Jesus loves me this I know, for the Bible tells me so!” Selfs Barth, die modernis, het steeds ‘n kinderlike hunkering gehad na ‘n ware Bybelse epistemologie.

    “Ek weet, want die Bybel sê so!”

    En tog is die Bybelse epistemologie die enigste epistemologie wat inherent koherent is, wat werklik intellektueel sin maak. AS God die heelal geskep het, IS Hy mos die bron van alle kennis! En as Hy die heelal kan skep dan KAN hy mos met sy skepsels kommnikeer, Hy IS by magte om die Bybel te skep as bron van betroubare kennis!

    Dit is die hart van die evangelie wat ons verkondig, ONS KAN SEKER WEES WANT DIE BYBEL Sê SO, EN DIE GEES MAAK DIT IN ONS HARTE LEWEND!

    (Jammer dat ek skree, maar ek het ‘n obsessie met Jesus die gekruisigde, en sy ongelooflike genade en liefde vir verdorwe mense! (ook vir my!) )

    Ek weet vir seker, dat Jesus leef, hy het my sonde uit liefde vergeef!

    In Christus is daar geen eksistensiele verwarring nie. Ons kan die Bybel glo!

    Ek is baie oop vir verskille in die Liggaam van Christus: Ek hou gemeenskap met mense wat die verbondsdoop verwerp, met armeniers en dispensasionaliste. Hulle is almal my broers in Christus

    Maar du Toit en Muller se teologie is nie Christelik nie. Dit is nader aan buddhisme. Hulle verwerp die evangelie, en omdat hulle in die NG kerk aanbly vernietig hulle ander mense se geloof.

    Jesus sê dwaalleraars is wolwe in skaapskelere wat die kudde verskeur. Met goeie rede!

  6. Hallo daar

    Baie dankie vir jou hart wat jy op die skrywerstafel plaas. Hierdie is ‘n plek waar ons waarlik ons hart kan uitstort en ons denkproses op die “spel” plaas. Ek geniet elke stuk wat jy skryf. Dit is soos water in die karoo. Al verstaan sommige nie die spel hier nie moet jy asseblief nie minder eerlik en opreg skryf nie. M.Scott Peck het in sy boek “the road less travelled” begin met die feit dat die lewe moeilik is. As jy dit besef raak die lewe makliker. Hy gaan aan deur te se dat die probleme in die lewe kan net getakel word deur dissipline en dat en van die pilare van dissipline is dat ons toegespits wees op die waarheid. Naakte, rou waarheid. Al klink dit soms nie lekker nie moet ons dit hoor. Jy verwoord dit duidelik. Hou asseblief aan.

    P.S. Jou voorbeeld van die kleurling gemeente se belydenis is in my hart gegraveer. Nie net omdat dit skok nie maar die naakte rou eerlikheid daarvan.

  7. Jy vra wie is Drikus om te sê…

    Ek neem aan jy is ‘n teoloog? Verder hoop ek van harte jy slaan ag op mense soos “hierstaanek” en “Wynand Louw”. Is die “eerlikheid” wat ek in jou komentare teenoor hulle bespeer eg? Regtig ek hoop van harte so want jy is nie verniet geteister deur die ateiste nie. Jy sal baie meer tyd aan jou geloof moet spandeer want jy word heen en weer geslinger deur elke wind van doktrine. Jy is in die NG kerk neem ek aan? Begin die Dordtse leerreëls bestudeer. Word ‘n Christen “Bigot”: http://www.teampyro.org/2012/06/bigots.html. Verstaan eers die beginsels van die gereformeerde geloof voordat jy jou swaard teen die ateiste inspan. Werk eers vir jouself uit waarom ‘n vrou en ‘n Goth in die kansel net iets is wat nie moet gebeur nie. Lei jou gemeente reg, as jy so verward is hoe kan jy hulle lei? Moenie onbewustelik mense mislei nie Lukas 17:1-2, bedank liewer jou amp as wat jy dit doen of beter, kom reg en veg in geregtigheid vir geregtigheid Effe. 6:10-20. Is jy eerlik en opreg van harte om dit te doen?

    • Drikus, gaan gesels bietjie op litnet met Johan. Hy sal graag meer van jou Gereformeerde beginsels wil weet. Vrou op die kansel- wie het eerste die boodskap aan die manne gaan vertel dat Jesus opgestaan het? Wie was die eerste ooggetuie van die Messias in Samaria Johannes 4? Het Paulus gese dit maak nie saak of iemand Jood of Griek is, man of vrou, slaaf of vry nie- hier in die kerk is almal een in Jesus. Ek sou baie lank kon praat oor Gereformeerde beginsels,maar ek gaan nie my asem mors nie. Ek voel my tuis tussen die stukkende mense wat Jesus nodig het, nie die wat alles weet nie. So sorry, moenie jou asem hier kom mors nie.

      • Indien jy nie jou asem wil mors nie antwoord jy my vraag. Jy sien jouself as bo enige lering. Dis jammer, want jy bind jouself onkundig tot ‘n groter straf as die litnet atïes. Jy is die leeraar! Wat hurk jy as ‘n stukkende in die hoek. Sies man, jy behoord ‘n waardige vakman van die Woord te wees, kundig om dwaalleringe te weerlê en doktrine reg te stel. As leraar verstom jy my met jou insiglose aanhaal van die gelykheid in Christus. Ai tog, as jy maar net jou asem wou mors, maar nou mors jy jou geleentheid en jou lewe. Dis ‘n tragedie.

        • Jy ken my nie eers nie en jy het soveel insig oor wie ek is, en hoeveel tyd ek saam met die Here spandeer. Verbasend! Ongelooflik!

          Hier is my uitdaging Drikus- gaan maak by Litnet ‘n blog oop onder “Drikus” en deel daar jou groot skat van wysheid. Ek kyk met belangstelling van die kant af…

          • Nee man, jy het nou die kat aan die stert beet. Wie is die teoloog in hierdie gesprek? As jy ooit in die weermag was, sou jy jou sersant in die oorlog gevolg het: “Val aan manne ek is reg agter julle!”. Mens lei van voor af dominee, van voor af deur die voorbeeld te stel, nie ander aan te hits vanuit ‘n skuilplek nie.

            • Maar wanneer daardie selfde sersant alleen sit en dinge oordink loop die botsende emosies ook maar hoog. Dis belangrik dat ons onsself soms toets en ook ons kan distansiër van dinge waarmee ons of nie saamstem of mee worstel.

              Die aanvalle op Litnet is nie kinderspeletjies nie. Dis deur gesoute mense wat weet hoe om gelowiges aan te vat en daardeur twyfel en ongelukkigheid te saai. En die ergste is dat hulle soms (soos die duiwel maar maak) so bietjie van die waarheid beet het en mens so deur erge wroeginge kan sit.

              Ek verkies ‘n leraar wat ‘n mens ook is en nie ‘n onmenslike karikatuur wat ook ‘n tipe god is nie.

              • Goed. Ek weet nie of jy Dr. James R. White ken nie? Gaan “soak” bietjie van sy teologie op. Ek stem met jou saam, om te baklei sonder die wapenrusting van God aan (oor jou hele liggaam() Eph. 6:10 – 20 sal jy opeindig soos die (seuns van Sebbideus?) toe hulle duiwels wou uitdryf en die duiwels pak hulle toe. http://www.youtube.com/watch?v=H9EWxEHZsPA en http://goshareyourfaith.wordpress.com/2008/06/12/audio-debate-dr-james-white-vs-bryan-lynch-atheist/. Volg die skakels en kry sommer soveel as wat jy kan. Laat my weet wat jy dink. Omgord die lende, dis waar die eerste aanval homself toespits.

                • Nadat ek bietjie oordenking op die onderwerp gedoen het, kan ek simpatiseer oor die atïestiese konfrontasie. Ja dit is rof. Ek sal ook sku wees om sommer daar in te val. ‘n Goeie toets nie te min, dis waarlik een wat jy lank sal onthou, vergewis. Kan dit nie liewer as aansporing dien nie? Jy hoef nie menswees te verloor in die proses nie. Wat is tog die doel van God met die Christen anders as weerbaarheid, sommige meer of minder as ander. Maar, soos met die weermag is daar soldate en generaals. Die soldaat begewe hom nie op die generaal se gebied en die generaal nie op die van die soldaat nie. Maar een ding is die waarheid, die generaal was eens ‘n soldaat en bly een vir altyd, maar die soldaat was nooit ‘n generaal nie. Hier’s nog ‘n skakel: dis ‘n goeie begin: http://www.experiencefestival.com/wp/videos/christian-vs-atheist-debate-james-white-vs-david-silverman/H9EWxEHZsPA

                  • Nee komaan- iemand wat vir Annari kan sê hy dink nie sy kan ‘n Christen wees nie, en vir my kan sê “Jy sal baie meer tyd aan jou geloof moet spandeer want jy word heen en weer geslinger deur elke wind van doktrine…” weet mos nou duidelik meer as ons van die evangelie. Jy is mos duidelik begaafd as ‘n apologeet by uitstek- jy is dan in ‘n posisie om leraars te beoordeel. So wys ons nou. My uitdaging staan- gaan registreer by litnet onder “Drikus”: en begin bietjie daardie Gereformeerde beginsels en Dordtse Leerreëls wat jy so bemeester het, daar bespreek. Ek wil graag sien, terwyl ek nou deur elke wind van doktrine rondgeslinger word. Weet jy, ek het gedog Jesus is die lewende Here, wat besig is om vir Hom ‘n koninkryk te versamel uit elke stam en taal en volk en nasie, en dit doen deur die werking van die Heilige Gees vandag en Geesvervulde gelowiges- sy kerk. Maar jy sê ek het die kat aan die stert beet. So wys my nou. Ek hou litnet belangstellend dop.

                • Nee, Ewald

                  Dit gaan hier nie oor friendly fire nie maar oor “sleepers” en “moles”: Die vyand wat die vriendelike magte infiltreer het onder vals voorwendsels.

                  (As jy wil weet wat sleepers en moles is, gaan lees ‘n paar spy boeke)

                  Dit is hoekom Jesus hulle “wolwe in skaapsklere” noem: Hulle doen hulle self voor as skape, hulle lyk soos skape, maar hulle is daar om die skape te verslind vir brekfis.

                  En dit is presies wat du Toit, Muller en mense soos Albert Cruywagen doen.

                  Ek eis vir jou gemeente, hulle het skynbaar ‘n skaapwagter wat nie die verskil tussen ‘n skaap en ‘n wolf (al is hy nou ook in skaapsklere) ken nie.

                  Lees my lippe, Ewald. Iemand wat by implikasie beweer Jesus was ‘n mal leuenaar toe Hy gesê het die duiwel bestaan, is nie ‘n Christen nie. Iemand wat soos Julian Muller glo hy is self god is nie ‘n Christen nie.

                  Not by a long shot.

                  Vrede

                  Wynand

                    • Ewald, moet my asb nie verkeerd verstaan nie. Ek weet nie wat jy glo nie, dus maak ek geen beskuldigings nie!

                      Wat ek sê is dit:

                      Jy sê: “…hierdie blog gaan juis oor Friendly Fire in die oorlog, waar Christene mekaar in die rug skiet”, met verwysing na my leerklag teen dr Ben du Toit.

                      Ek wys jou op die feit dat die leerklag teen du Toit nie gaan oor Christene wat mekaar in die rug skiet – of soos jy sê, ek wat du Toit wil “uithaal” nie. Dit gaan oor gehoorsaamheid aan Jesus om die kudde teen vals leraars te beskerm.

                      Ek wys jou ook op die feit dat jy skynbaar nie die onderskeidingsvermoë het om te onderskei tussen die ware en vals leer nie, anders sou jy nie die stelling oor du Toit gemaak het nie!

                      Dus:
                      –Ek beweer nie jy verkondig dwaalleer nie.
                      –Ek beweer jy het skynbaar nie die vermoë om dwaalleer te herken nie want jy praat van Christene wat dwaalleraars aan die kaak probeer stel as “Christene wat Christene in die rug skiet”
                      — Dus ys ek vir jou gemeente omdat jy skynbaar nie die vermoë het om hulle teen dwaalleer en dwaalleraars te beskerm nie. HULLE IS DUS WEERLOOS teen die wolwe!

                      Ek hoop ek het dit duidelik gemaak. Ek kan vir jou nog teksverwysings stuur oor waarom God ons beveel om dwaalleer uit die kerk te weer. Begin maar by die hele boek van Judas.

                      Ek hoop jy aanvaar dit in die gees wat ek bedoel, die van broederlike vermaning. Ek weet ek kom soms bruusk oor – dit is nie die bedoeling nie. Maar die absolute vernietiging wat bedrieers soos Muller en du Toit die kerk aandoen breek my hart. (Hulle is bedrieers want hulle weet hulle verbreek hulle dienskontrakte maar bly steeds aan in die NGK!)

                      God vra dat ons in die bres wat hulle in die kerk se muur geslaan het gaan staan, en die kudde beskerm.

                      Het jy jou gemeente lief genoeg om op te staan teen die dwaling dat die mens god is? Dat Jesus ‘n leuenaar is?

                      Jy hoef my nie te antwoord nie Ewald. Maar ek bid tot God, ter wille van jou gemeente, dat jy bereid sal wees om die Swaard van die Gees op te neem en jou gemeente te beskerm!

    • Ek kan nie verstaan waarom jy jouself in elkgeval bemoei met iemand wat ‘n blognaam soos dit kan het nie. Klink dit soos iemand met wie jy ‘n opbouende gesprek kan voer of is dit soos James White sê net “an atheistic troll”. Is jy gek – om vir my die link oor die verkragting te stuur? Natuurlik sal die varke op jou draai wanneer jy klaar jou pêrels gestrooi het. Dis Bybel -101 – moenie jou pêrels voor die varke gooi nie. Jy het dit gedoen en die gevolge daarvan gedra – nou wil jy hê ek moet ook eers onder die varke deurloop, loodreg teen Bybelse advies? Jig man, as jy jou sout werd is as dominee, waarom waarsku jy nie eerder aangaande hierdie swyne nie? Jy is regtig vreeslik lomp met jou vorrstelle. Jy is ‘n predikant, ‘n teoloog ne? Jy is nie besig om my vir die gek te hou nie. Is jy nog in jou twintigs of wat? In my dag des levens het ek nog nie sulke “drivel” uit ‘n predikant se mond gehoor nie. Geen wonder jy sit op moedverloor se vlakte nie.

      • Nee kom nou Drikus- ek het doodonskuldig geblog oor my eie lewe en bediening op litnet, toe daardie persoon my begin aanval. Net soos wat jy op WordPress doen. Jy het baie kommentaar gelewer oor my hantering van die situasie- toe wys ek jou die situasie. Gaan doen nou iets daaraan, want jy kan beter as ek, het ek die hele tyd gehoor. Nee, ek is al 20 jaar besig om Jesus voltyds te dien, en ek gaan nie my eie beuel blaas oor wie ek is nie. Ek is verseker ook nie op moedverloor se vlakte nie, net diep ongelukkig dat sogenaamde Christene mekaar so byt en verskeur, en mekaar sulke name gee. Soos wat jy ook graag doen.
        Maar ek verstaan as jy nou nie meer die moed het nie.

  8. Drikus, jy gee baie “cheap shots…” Gaan kyk vir jouself toe- wat sou ek gedoen het om my pêreld voor die swyne te werp… hier is die link… nadat daar dae lank Godslasterlike blogs op litnet verskyn het. Raai wat- litnet skuit WordPress toe. Jy gaan nog so lekker blog oor jou sienings, en dan gaan die trolle op jou neerdaal.
    http://blogs.litnet.co.za/Bileamsedonkie/geloof-versus-wetenskap

    Jy is baie vinnig om mense te veroordeel wat jy nie ken nie. Jy weet niks van my of my bediening af nie. En jou naam is in die blog hierbo genoem oor daardie arrogansie om mense wat vir Jesus lief is, te wil veroordeel omdat hulle nie in jou boksie inpas nie. soos duidelik in jou kommentaar ook ervaar word. Ek kyk nog steeds met verwagting hoe jy op litnet gaan opkom vir die geloof wat vir jou glo so kosbaar is, wat ek skynbaar so min van het om nie met ateïste mee te deel nie.

    • Goed ek het jou blogartikel gelees. Ongelukkig, as jy blog gaan die trolle jou opspoor. Dit het trouens ook met my gebeur oor die Goth meisie. As jy reg onthou, het my en jou ontmoeting nie oor jou ateistiese litnet ekspidisie gegaan nie. Dit was oor die Goth meisie wat dominee wil wees? Reg? Jy het, in ‘n poging van selfregverdiging die hele gesprek in hierdie rigting gesleep. Jy soek nou my agterstewe oor ‘n vaatjie sodat jy kan lekkerkry wanneer ek pakslae ontvang. Ek het ook kinders, die een boetie kry maar die ander een in die moeilikheid as hy homself wil regverdig. Ek het geen beswaar teen jou Litnetartikel nie, ek het wel beswaar oor die kontent wat jy my by wil betrek. Jou artikel, buiten die feit dat jy dit verlaat het ek heelwat positiewe komentaar daaroor opmerk. Ten minste het jy 4/5 sterre gekry, dis omtrend dubbel die “rating” van my artikel oor die Goth meisie! Jy my redenasie met jou as Christene wat mekaar in die rug skiet: maar tog was JY die een wat die vraag vra: “Wie is Drikus om te sê”! Jy is die een wat skuil agter die donkie “nom de plume”. Wat help dit tog as jy ‘n bom los en die papaya die waaier slaan, dan verergd is indien dit op jou spat? Is dit nie jy wat blog oor my verwaandheid om te durf kapsie maak teen ‘n meisie Goth op die preekstoel nie? Jy roer die onderwerp: Wie;s die ou om so iets te sê, en dan is dit ek wat “cheap shots” vat en ‘n christen is wat die ander in die rug steek? Nee dominee. Werklikwaar, jy hou daarvan om in die publiek te blog, maar nie van die publiek indien hulle jou kritiseer nie? Wat verwag jy? Die meeste mense wat op Christen skrywes reageer is trolle en trolle is altyd reg, dis tog iets waarmee jy moet saamleef? Indien die trolle na my wordpress toe kom dan kom hulle man! Ek gaan derhalwe nie trolle opsoek nie, wat het ek met hulle in gemeen, veral indien daar openlike Godslaster in hulle name en opskrifte is. Dis die lewe dominee, jy sal hulle oral kry en eintlik is daar nuus vir jou hierin, meeste mense is so en volgens die Skrif gaan dit heelwat erger word namate die tyd aanstap. Beter gaan dit nie word nie! Jy blaf teen die verkeerde boom op as jy wil hê ek moet betrokke raak by ooglopende varke op litnet. In jou geval, jou artikel blyk nie te sleg daarvan afgekom nie? Nie seker waarom jy stert-tussen-die-bene daar weg is nie en ook nie waarom jy onder ‘n skuilnaam wegkruip nie. Wat sê Timoteus? Hy wat Godsvrugtig wil lewe sal vervolg word. Wat is nou daarin om verneder te word? Het God Homself nie tot minder as ‘n dienskneg verneder om ons onthalwe nie, op gespuug, geslaan, gespot en aan die hout gekruisig? Tog het Hy soos ‘n lam ter slagting, sonder teëspraak gewillig dit op Hom geneem. Jy stel jou opinie, reg so en goed, maar dis kan nie oor-en-uit wees omdat jy nie van kritiek hou nie. As jy twintig jaar al die Here dien en jy vra wie is Drikus om te sê…kan jy nie eerder met my in gesprek tree (soos jy wil hê die ateiste met jou moet maak nie) en vir my op my teologiese foute wys, sodat ek my doktrine kan aanpas en regstel nie. Maar dan kies jy om so uit die heup “op die wysie van bla-blah” ‘n ou refreintjie daar in die bosveldmiddag vir jou mense te komponeer? Is dit nie eerder die “cheap shot” waarna jy verwys nie, die dolk wat tans in my rug steek nie? Wat help so ou kommetaartjie hier tussen die lyne – jy wat twintig jaar al in die bediening staan met ‘n graad in teologie agter jou naam. Daar laat jy my in die modder van my onkunde spartel sonder om ‘n Christen hand van liefde uit te steek en te sê “broer die Bybel sê ek moet geduld beofen met dies wat swakker in die geloof is, so laat ek jou onderwys en laat jouself toe om deur my onderwys te word, hierin lê jou fout…”. Die vraag is nie wat ek weet of nie weet van jou nie, die vraag is “Wie is Drikus om te sê…”. Jy het nog geen vordering op hierdie gebied gemaak nie. Waar fouteer ek deur dit wat ek gesê het, spreek die vraag aan: “Wie is Drikus om te sê”!

      • Baie dankie vir ‘n goed beredeneerde antwoord. Nee, dit was nog nooit my bedoeling om jou in iets in te sleep om jou te verneder nie. Dis juis my punt met hierdie inskrywing- daar is ‘n geweldige klomp rugstekery in die kerklike wêreld. Die blog gaan oor baie meer as jou- daar is net een vraag gevra oor jou antwoord aan Annari- gaan lees weer mooi. Jy het ‘n jong dame, wat jy nie ken nie, aangeval oor haar geloof en roeping- sy mag omdat sy ‘n vrou is, in elk geval nie in ‘n amp wees volgens jou nie. Ek het opgekom vir haar deur hierdie skrywe- jy ken haar roeping nie. Jy ken nie haar passie vir Jesus nie.

        Die veel groter prentjie is die gedurige aanvalle op medegelowiges in die verskillende kerke. My punt is juis dat dit die liefdesgebod oortree, terwyl Romeine 14 ruimte laat vir verskillende interpretasies van nie- belangrike kernwaarhede.

        Van die eerste kommentaar af wat jy op my blog kom lewer het, het jy my afgemaak as iemand wat rondgeslinger word deur dwaalleer en daarom ongelukkig as mens is. My tweede punt, na die een oor Annari, is dat jy my ook nie persoonlik ken nie. Jy weet nie hoe my lewensverhaal geloop het om wel ‘n leraar te word nie. Jy weet nie wat Jesus, of my roeping vir my beteken nie. En tog het jy my ook net in ‘n boksie gedruk waar jy dink ek hoort. Jy het my aangevat oor ek nie in staat sou wees om my geloof met ateiste te deel nie. En ek het jou net die geleentheid gegee: wys my hoe jy dit sou doen.

        Want die betrokke ateis het my identiteit in die hande gekry. Hy het ‘n brief met aanklagte teen my aan my kerkraad gerig. In sy blog beweer hy dat God ‘n verkragter is, en elke leraar wat God dien, verkragtingsapologete is. Ek is weg by litnet, oordat hy aanhou beweer ek is ‘n pedofiel en my dogter is ‘n prostituut. Ek het ‘n bediening wat baie kinders insluit. My integriteit was belangriker as my blog daar. Dis hoekom ek weg is. Gaan lees gerus die broer se blog, en soek een kommentaar van my op sy geskiedenis. As jy so wil beweer dat ek gaan moeilikheid soek het. Wys my een kommentaar van my op jou blog. Of, vir daardie selfde argument- een keer wat ek jou persoonlik beledig het, behalwe deur te sê ek hou nie van die manier wat jy Annari, en my, so in ‘n boksie probeer druk nie. Ek het niks afbrekend oor jou geloof gesê nie, ek het niks gesuggereer oor jou karakter nie- want weet jy, ek ken jou ook nie persoonlik nie. Ek het geen rede om jou te wil verkleineer behalwe om vir Annari op te staan in hierdie enkele sin wat jou aandag getrek het nie. Ek staan by my vraag- wie is jy om iemand wat deur die Here geroep is vir ‘n besondere roeping, wat baie hard en baie lank moes veg om deur die kerk aanvaar te word, omdat sy vir Jesus lief is maar anders lyk, wie is jy om te sê sy mag nie in Jesus se diens wees nie? Ek het die reg om daardie vraag te vra. Ek is ‘n leraar in die kerk wat so onder verdenking geplaas word. En ek het die reg om op te kom vir ‘n jong kollega wat deur ouer gelowiges uitmekaar geskeur word.

        So Drikus, daarmee handel ek hierdie gesprek af. Ek hoef nie my eie menswees, en my eie passie vir Jesus, op hierdie manier te verlaag nie. Weet jy, dit was juis die strekking van die gesprek met Wynand Louw hier bo. By die ateïste is ek nie tuis nie. En by die Christene ook nie, want elkeen het ander voorwaardes hoe ek moet lyk om Jesus te mag liefhê- elkeen soos hulle dit wil hê.

        Ek het geen twyfel oor my identiteit in Christus nie. En ek is baie tuis in ‘n baie groot gemeente, wat my waardeer vir my bediening. In ‘n kerk wat soms die moed het om te sê: ons stem nie oor alles met mekaar saam nie, maar daar is ruimte vir jou wat anders as ek dink- daar is ek baie gelukkig. En ek sal die jongeres wat in die bediening is, bly beskerm teen enige aanvalle.
        So gaan jou gang, dien die Here met oorgawe, dis wat van jou gevra word. En gee in hemelsnaam tog net ruimte vir ander wat anders as jy dink om ook Jesus te mag liefhê op ander maniere en woorde as wat jy sou gebruik. Gaan in vrede. Die Donkie.

        • Jy staan vas by jou vraag? Is jou vraag retories? Dis waarom ek jou beetpak, sien jy nie? Jy is ‘n teoloog in ‘n GROOT gemeente met 20 jaar ondervinding en al wat jy vra “wie is Drikus om…”?

          Jy lees nie my redenasie en kritiseer dit deur aan my uit te wys waar ek teologies dwaal nie.

          Ek is jammer oor jou ondervinding op Litnet en ja ek dink het niks daar verloor van die begin af nie en die trolle is trolle – want jy kan in der waarheid nie met sotte redeneer nie.

          Dit spyt my tog dat ek jou so hard kritiseer, dit maak my hart seer en ek bedoel dit eerlik. Maar verstaan mooi uit watter hoek ek daarna kyk:

          “Ek kyk na jou as teoloog, die een wat sy tyd op universiteit gespandeer het om te studeer. Jy is die leier waarna ek moet opkyk, die een wat ten minste die fout agter die Goth meisie op die preekstoel kan raaksien, maar nee! Hier staan ek. ‘n Leuk. Ek moet my mond oopmaak want daar’s geen teoloog wat meer goed genoeg die kaf van die koring kan onderskei nie.”

          Dis my erns as dit enigeiets is. Jy praat oor die ontstuimigheid in jou kerk. Tot onlangs was ek nie bewus van hoe ontstuimig dit wel is nie. Die NGK is nouliks besig om 1 Tim. 4 in vervulling te bring op sinodale vlak!

          Is ek die gekke een wat alleen dit raaksien? Is ek al gek wat dink ‘n vrou mag nie preek nie, en dit nogal eksplisiet in die Bybel vind! Is ek al een wat vind dat die Goth subkultuur onversoenbaar is met die van ‘n Christen? Ek hoef niks van ‘n persoon te weet nie, ken mens nie die boom aan die vrugte nie? Verduidelik vir my waar my bevindinge ongegrond is.

          • Drikus, gaan maak kontak met Francois Botha by die PEN aksie in Pretoria. Laat hyjou vertel van die Goth gemeente in Chicago wat die middestad daar vir Jesus wen waar Willow Creek nie kan nie.

            Ek stem nie saam met jou siening oor vrouems wat moet stilbly in die kerk nie. Ek stem verseker nie saam met jou veroordeling van Annari nie. Dit maak my in jou oe’n dwaalleraar, en die Bybel se jy moet met ons niks te doen he nie. So dit was baie lekker om met jou te gesels, maar dis nou klaar. Ons vorder nie met mekaar nie.

  9. Die Here Jesus is goed, loof Hom!

    Die duiwel is boos, fok hom…

    Amen.

    Tien likes!!!

    Remind my om eendag vir jou die een te sing van “Die kerk en die bar sit langs mekaar”. My ma het dit destyds geslryf en vir Fanus gestuur!

    Sorry, ek kom lees nou eers – God put me on Earth to accomplish a certain number of things. Currently I am so far behind, I can NEVER die 😉 So met die griep en al.

    Anyways – mense het van altyd en ‘n dag af dit gehaat wat hulle nie verstaan nie, of wat anders is as hulself. As ons net meer verdraagsaam met mekaar was, dink net hoe anders sou alles gewees het *SUG*

  10. Sjoe, hierdie Drikus se kommentaar, sy sieninge en sy blog laat my regtig baie moeg voel. Ek dink daar is ‘n wanhopige teruggryp na ‘n vorige era toe die man se woord wet was, waar dit alles vandaan kom.

    Gelukkig is hy so aan die verkeerde kant van die werklikheid dat dit nie nodig is om met him te debatteer nie,behalwe miskien ter wille van sy arme vrou.

    • Eelt, nee regtig man! Jy is ‘n vieslike vent – sies! Jy sê jy respekteer vrouens, onderwyl jy pornografie op jou blog plaas en vriende is met mense wat van hulself sê “I am a Ladies man. Love sex and all pleasures going with. A need Friends with no strings attached” [sic]?

      Ek stem saam met Charl hieronder: jy wil ‘n Sodom en Gemorra hê waarin jy al jou vleeslike sondes kan beoefen sonder kritiek en vannuit jou moeras praat jy!

      Dat my sieninge jou moeg laat voel is net bloot natuurlik. Jy rol daar in die modder van jou sonde en die gedagte om met ‘n tuinslang afgespuit te word is seker vir jou aaklig ne? Ek is verseker aan die anderkant van jou weklikheid. Dis afgryslik dat daar mense soos jy bestaan, maar gelukkig is dit gedefinieër in Romeine, want die Woord sê: daarom het Hy hulle oorgegee aan ‘n verdorwe verstand! Jy argumenteer met ‘n verdorwe verstand!

      Ontwaak, jy wat slaap, en staan op uit die dode, en Christus sal oor jou skyn.

      • Drikus- as jy mense wil veroordeel, gaan doen dit op ‘n ander plek as my blog. Hierdie is nie die plek daarvoor nie. As jy vir Eelt wil aanvat, gaan doen dit op sy blog, dan kan hy kies of hy dit wil lees of nie. As jy so aanhou hier, gaan ek jou as Spam merk.

        • Kan jy nie sien wat jy doen nie? Jy dreig om my kommentaar uit te vee, maar jy los die van ‘n pornografieverslaafde? Waar lê jou lojaliteit? Weet jy nog, jy beskuldig my en ek sien vir Charl ook, van rugstekers en versoek ons om weg te gaan, maar intussen beswadder jy ons name elders op jou blog. Skryf sakkasiese senedes soos “ek’t my naam verander want anders kom Drikus by my koffie drink”. Kyk na jouself dominee, hoe praat jy! Jy raak nou g-vol, f*k hom en des meer, kan jy nie houself raaksien nie? Dan skryf jy oor die katjies en die hondjies hier op jou blog en bied mense so ‘n spookasem teologie aan! As jy uitgelos wil wees, hou aan met nonsens skryd (soos jy dit stel) en moenie ‘n pienk-teologie vir ons kom aanbied en sê ons moet jou nou uitlos nie. Jy praat nonsens en nonsens verdien kritiek. Kan jy dit ten minste insien? So kies nou, wil jy uitgelos wees of wil jy verder redekawel?

  11. Ek stem saam met jo blog hier. En wil bylas, is Christine nie veronderstel om mense na God te bring om tot bekering te kom nie? Maar dan as jy actualy die guts het om dit te doen, sê ander “Christine” jo sleg en wil jo nie in die kerk hê nie. Daai goth dominee reik uit na ongereddes en baie van die wat haar so sleg sê doen nie. Dit sê baie…

  12. Sjoe, hierdie eelt is nou vreeslik ongemaklik, sy sieninge en kommentaar is so postmodernisties-onbybels dat ‘n hele nasie sommer afvallig gaan voel. Ek dink hy hunker dalk na ‘n Sodom en Gomorra era waar alles as reg gesien was en niemand kritiek teen enige iemand kon lewer nie. Gelukkig is hy so van die wa af dat ons nie eers met hom hoef te debateer nie, maar ter wille van die nageslag miskien?!

  13. Oooh die donkie is nou kwaad. Mag nie veroordeel nie want dit is nie liefdevol nie. Wonder hoe het Jesus daai handelaars “in liefde” met die sweep geslaan?? Hy was nogal veroordelend! Seker maar ‘n ander Jesus daai?

    • Net ietsie om oor te dink, Charl, gaan lees gerus weer jou Nuwe Testament. Jesus was NOOIT veroordelend teenoor mense wat Hom nog nie geken het nie. Sy oordeel, liewe Charl, is vir die skynheiliges- die Fariseërs wat altyd gedink het hulle is beter as ander. Jy weet, daardie mense in die Bybel wat sommer namens God almal veroordeel het. En die handelaars in die tempel, wat geld gemaak het in ‘n plek vir aanbidding. As jy deeglike eksegese gaan doen oor die teksgedeelte waarna jy verwys, sal jy dalk net vind dat die handelaars in die tempel die mense wat van ver af gekom het, ingeloop het. Hulle moes met spesiale tempelmunte huile tempelbelasting betaal het, op die Romeinse munstukke was die keiser se kop afgebeeld, en dit was nie aanvaarbaar volgens die 2e gebod nie. En die handelaars het groot kommissie gevat op geld wat mense vir die Here gebring het. Die veehandelaars het offerdiere ten duurste verkoop vir die pelgrims van die Diaspora wat soms van verder as Rome kom aanbid het. Dit alles het in die Voorhof van die Heidene plaasgevind, die plek wat eintlik bestem was vir nie-Jode om te aanbid. Handelaars het mense van aanbidding weggehou, en daarom het Jesus hulle veroordeel.

      Jou en jou maatjie Drikus se manier van praat met mense op my blog is nie aanvaarbaar nie.

      • Dankie vir daai uitleg.Die punt bly staan dat dit nie optrede is wat vandag geduld sal word nie. Jy mag nie eens kritiek lewer teen wat duidelik on-Bybels is nie, praat nie eers van sweepslaan nie.Ek is eerder maatjies met mense wat weet wat hulle glo en dinge ten minste teen die standaard van die Bybel meet. Jy (soos op kerkbode) kry meer ondersteuning van die porno-verslaafde God-hater as van ander Christene. Nou gaan jy seker die “Jesus het wyn gedrink saam met prostitute” argument voor my kop gooi. Wat die Fariseërs aanbetref, was hulle ook die wat die skrif verdraai het vir eie gewin. Daardie gewin kan in baie post-modernistiese geure voorkom in ons tyd, soos bv aanvaarding by die wêreld. Dit is uiters snaaks as die ateiste en porno-versaafde, God-haters jou as dominee as ‘n sagte oor sien maar daar word duidelik niks teen hulle sonde uitgespreek nie. Saam met dit haal jy aan: “Die Duiwel is boos, f*k hom”. Sê die brief van Judas nie iets oor sulke uitlatings nie. Watse eksegetiese buikspraak gaan jy nou hier toepas? Jy is mos nou groot op korrekte eksegese.

        • Dis nou baie, baie interessant! Skielik is ek in die aangeklaagde bank, deur ene Charl. Iemand lewer kommentaar op my blog (eelt). Jy en Drikus gaan lees eelt se blog, en julle albei kom gee my pak oor die inhoud daarvan! Wat het ek met eelt se blog te doen?

          Daar is honderdduisende blogs op WordPress, en honderde van hulle is in Afrikaans. Ek sien dit nie as my rol om soos ‘n Fariseer elkeen te gaan lees, en oor alles te gaan beoordeel of hulle nou 100% Bybels is nie. Maar dis duidelik wat jy nou hier probeer doen. Jy gooi my in allerhande boksies. en veroordeel my.

          As ek op jou naam kliek, maak daar niks oop nie. Hoekom gaan maak jy nie jou eie Blog oop en baklei daar met almal wat anders as jy dink nie? Dan kan jy daar die Hoofseun en die biblioteekprefek wees wat kyk dat almal mooi soet is. Nou is jy besig om my blog te probeer kaap, en gif te saai oral waar jy gaan. Eksegese? Gaan kyk weer gerus na die 9e gebod.
          Net so laaste stukkie raad vir oulaas, want jy verveel my nou baie. Jy gaan niemand in die hemel in oordeel nie. Dit help nie om vir mense te kap op alles wat hulle verkeerd doen, as hulle Jesus nie as Here ken nie. En mense leer Jesus ken deur die liefde wat gelowiges veronderstel is om te he. Gelowiges moet die lieflike geur van Jesus versprei in hierdie wereld. By ‘n paar mense hier bo in die kommentare lees ek eerder ‘n doodse oordeelsreuk.

          Jou smalende styl staan my nie aan nie. Vir die laaste keer, los my nou uit.

          • Liefde loop hand aan hand met WAARHEID. Moenie jou gedagtes en oortuigings op die internet post as jy nie bereid is om die kritiek daarop te hanteer nie…dis kinderlik.Hoofseun, biblioteekprefek? Dan praat jy van smalend. Waar is jy predikant? Weet jou gemeente ooit wat jou regte naam is of is jy daar ook te bang om jou naam langs jou dwalende oortuigings te plaas? As hoofseun vra ek maar net.

  14. Terug pieng: “Friendly Fire” in die kerklike wêreld…. « Bileam se Donkie

  15. Drikus en Charl, ek hoop julle het
    darem iets moois op my blog gesien,
    sommer net as afleiding van julle sware
    verantwoordelikheid om almal reg te
    sien en te beheer!
    Ek wou eintlik nie al hierdie moeilikheid
    veroorsaak het op Bileam se blog nie.
    Hy voel dalk met ‘n vriend soos Eelt het
    hy skaars vyande nodig! Want ek trek
    sy vyande soos ‘n magneet aan.

    Jammer Bileam ek sal nie maklik dit weer doen nie.

    • Dit bevestig nou baie en maak die saak BAIE duidelik. Eelt en Donkie ken mekaar? Sjoe, bid jou dit aan, die dominee en die pornografie-verslaafde is vriende. Sou dit nie alles in die duidelikste lig plaas nie – die wolf in skaapsklere?

  16. Hierstaanek- daardie lyn van kommentaar het sy maksimum van 10 inskrywings bereik.
    Lees gerus weer deur die oorspronklike stuk. Die swaartepunt daarin is toe nie regtig jy en Ben du Toit nie. Dit wat my gelei het om daardie stuk te skryf, was die kommentaar wat Annari du Plessis op haar blog gekry het. Van “‘n gelowige” wat sommer ‘n streep deur haar hele geloof, bediening en menswees trek.
    Ander voorbeelde van spanninge in die NG Kerk is ook genoem hier, oa wat ek gelees het van Ben wat onskuldig bevind is op die klag van leerdwaling, en jy wat daarteen appeleer. Ek is jammer- ek sien nog nie in dat ons in die duiwel moet glo nie, ek dog ons moet juis in Jesus die Verlosser glo. Ek is nie deel van daardie Sinode nie, ongelukkig ook nie van die Ring van Kuilsrivier nie. Ek het geen insig wat daar gebeur nie. Ek sien net hoe daar in die openbare media op kerkleiers gevuur word, en dit wat ek op gemeentevlak beleef, is dat my gemeentelede ons eie gemeente begin wantrou oor wat hulle oor “die kerk en kerkleiers ” daagliks in die briewekolomme van die media en op facebookgroepe soos Die Kerkbode lees.
    Ek het die punt gemaak dat daar ‘n Bybelse opdrag tot eensgesindheid en eenheid is wat in die proses verlore gaan,.
    Na aanleiding van jou kommentaar het twee jong here meerderwaardig op my kom spring, my vermaan om meer soos jy te dink, te bedank uit die kerk uit, en my voor my familie en vriende op my blog ‘n dwaalleraar begin noem. Na ek albei gevra het om op te hou daarmee, het hulle voortgegaan, om ook ander bloggers wat gereeld by my lees, aan te val oor die inhoud van hulle blogs. Een was so beledigend, en het nie ‘n blog waar die aangevaldes hom kan aanspreeklik hou vir sy lasterlike opmerkings nie. Daarom het ek sy eposaders en IP adres gepubliseer.
    Die broer het intussen so seergemaak gevoel daaroor dat hy aan Nelus Niemandt geskryf het hy gaan my by die NG Kerk en sy prokureurs aangee. Oor ek sy identiteit bekend gemaak het. Ek sien uit na die proses- ek wil graag hoor wat sê die reg en die kerk oor naamskending versus die bekendmaking van ‘n cyberbully se identiteit. Jy doen dan soveel moeite om die mense te leer watter gevaar daar in leerdwaling is- jy sal verstaan hoe ernstig dit is as iemand op ‘n mens se eie blog jou daarvoor aankla. Dis dieselfde as om in Melkbosstrand se plaaslike koerantjie valse klagtes te lê oor ‘n dokter se integriteit- as die veertjies begin waai kry ‘n mens hulle mos nie gestop nie.
    Ek weet jy is nie vir jou twee volgelinge verantwoordelik nie. Ek is net baie sensitief, en redelik gatvol, vir al die verdagmakery in die NG Kerk.

    Ek sou graag wou hoor hoe die broers wat so aanhou oor die wolf in skaapklere stories- verwysende na my- die 9e gebod vir my verduidelik, asook die beginsel van karaktermoord deur woorde. Jy is natuurlik ook baie welkom om vir my kerkraad te skryf en te vra oor my bediening, my leer en my lewe. Of die Ring van Waterberg, of die Noordelike Sinode. Ek staan onder hulle opsig en tug…

    • Cyberstalking (also called cyberharassment) is when someone uses the Internet to threaten or make unwanted advances towards someone else. This sort of harassment can cause physical, emotional, and psychological damage to the victim. This includes threatening the livelihood of an individual.
      Soos op my baie goeie vriendin se blog “Ontbloot” vandag geplaas. Ek is ook in die epos aan Nelus Niemandt uitgekryt dat ek “Ontbloot” volg. Die persoon het sommer net aannames oor die naam gemaak, sonder om eers te weet watter pragtige kind van die Here hy sommer net so noem.

      • Ek moet seker nie lag nie, maar dis skreeusnaaks Bileam! Het die wakker akker waaragtig gedink daar is iets verdags aan Ontbloot se blog agv die se naam…jy weet, mens probeer die mense die voordeel van die twyfel gee dat hulle opreg (alhoewel verkeerd) is in hulle denke, maar dan kruip daardie aanname duiwel uit en mens sien duidelik hulle denke word oorheers deur stereotipe ‘labels’ wat maak dat ‘n jong dame se geloof bevraagteken word.

    • Ewald

      Jy skryf: “Ek is jammer- ek sien nog nie in dat ons in die duiwel moet glo nie, ek dog ons moet juis in Jesus die Verlosser glo…”

      Jy is reg: Ons moet IN Jesus glo. Maar om IN Jesus te glo beteken onder andere DAT ONS JESUS GLO.

      Dit beteken: As Jesus sê die duiwel bestaan glo ons Hom, dat die duiwel bestaan.

      As Jesus sê die duiwel bestaan en ons beweer die duiwel bestaan nie, glo ons eenvoudig nie vir Jesus nie.

      As ons nie VIR Jesus glo nie glo ons ook nie IN Jesus nie.

      Dit is so eenvoudig soos dit.

      Bedoel jy in jou sin hierbo dat jy nie vir Jesus glo dat die duiwel bestaan nie? Ek is nie seker nie. As dit so is dat jy glo dat die duiwel nie bestaan nie, glo jy nie VIR Jesus nie, en kan jy dus onmoontlik IN Jesus glo.

      Dit is eenvoudig swak Bybeluitleg om die Bybel se oproep om eenheid en eengesindheid buite konteks van die opdrag om dwaalleer en dwaalleraars te bestry aan te haal. Beide opdragte is geldig, die boodskap van die Bybel is duidelik: Eensgesindheid in die liggaam van Christus. Verdra die wat in die kerk is maar nie deel is van die Liggaam nie – doen alles in jou vermoë om hulle lief te hê tot hulle Christus ontmoet, maar moet niemand toelaat om mense te mislei en vals lering in die kerk te verkondig nie. As bedienaar van die woord het jy nie nodig dat ek vir jou die teksverwysings gee nie.

      Ek beskuldig jou van niks nie, want ek weet nie wat jy glo nie.

      Ek glo jy het ‘n gebrek aan geestelike onderskeidingsvermoë omdat jy skynbaar nie du Toit se dwaalleer kan raaksien nie, en ek hoop dat jy my korrespondensie met jou sal sien as ‘n broederlike vermaning!

      JY sê: “Ek sien net hoe daar in die openbare media op kerkleiers gevuur word, en dit wat ek op gemeentevlak beleef, is dat my gemeentelede ons eie gemeente begin wantrou oor wat hulle oor “die kerk en kerkleiers ” daagliks in die briewekolomme van die media en op facebookgroepe soos Die Kerkbode lees.”

      Jou gemeentelede is reg as hulle die nasionale NG kerk wantrou. Die sinode se besluit oor die skepping van ruimte vir dwaalleer oor die duiwel is ongeldig en onverenigbaar met die Bybel en belydenisskrifte.

      Maar die nasionale NG Kerk is nie verantwoordelik daarvoor as jou gemeentelede hulle plaaslike gemeente wantrou nie.

      Jy kan onmiddelik daardie wantroue die nek inslaan deur van die preekstoel af, in die Bybelstudiegroep waar jy betrokke is en in persoonlike gesprekke met gemeentelede, jouself te distansieer van daardie dwaalleer.

      Jy kan hulle vertroue nog verder wen deur jou kerkraad ‘n gravamen teen die sinode se besluit te laat deurstuur na jou ring en sinode. Kyk sommer op hierstaanek.com en gebruik die Hoëveld Sinode se gravamen as voorbeeld.

      Jy kan nog verder hulle vertroue wen deur die rou, onverdunde Evangelie van Christus se genade, die feit dat dit die Vader behaag het om sy Seun te verbrysel om ons sondeskuld te betaal, elke Sondag van die kansel te preek.

      Jy kan getuig van jou geloof dat die Bybel die absoluut betroubare Woord van God is, en dat wat dit sê waar is. Dat jy absoluut onvoorwaardelik glo dat die duiwel bestaan OMDAT JESUS SO Sê IN DIE BYBEL.

      So, Ewald, moenie jou gemeente se wantroue in die nasionale kerk sien as ‘n probleem nie. In die lig van die sinodebesluit is dit goed, dit beteken hulle klou nog van aan Jesus en sy Evangelie.

      Moet ook nie hulle wantroue in hulle plaaslike gemeente sien as ‘n probleem nie.

      Sien dit as ‘n uitdaging en ‘nuitmuntende geleentheid om die Evangelie van die Gekruisigde aan hulle te verkondig!

      Ek het in my pos hierbo jou uitgedaag om die Swaard van die Gees op te neem en vir jou gemeente in die bres te tree. DOEN DIT!

      In Christus

      Wynand

  17. Naskrif: Ek wil dit net nog ‘n keer beklemtoon: Ek het NOOIT gesê jy is ‘n wolf in skaapsklere nie. Ek het gesê jy het skynbaar nie die vermoë om jou gemeente teen die wolwe te beskerm nie – omdat jy klaarblyklik nie dwaalleer kan raaksien nie.

    • Dankie Wynand, ek waardeer dit dat jy nie daardie meulsteen om my nek hang nie. Dwaalleer- lees maar bietjie verder aan, ek het Sondag se preek geplaas dat die wat my aankla, self kan besluit. En weet jy, my roeping is sterk op 1 Kor 2:1-5 gebou- ek wil graag vir Jesus verkondig, nie teen sekere mense nie. Ons is ekklesia completa- ek staan verantwoordeliik teenoor die Here oor wat in ons gemeente gepreek en gedoen word. Ons gemeente is baie ernstig oor ons getuienistaak in hierdie wêreld, ek het nie nog tyd om oral te gaan dwaalleraars uitsnuffel nie. Teologies sou ek en jy waarskynlik baie naby aan mekaar staan- ek is in Bloemfontein opgelei. My punt deurgaans was net: hier is ‘n klomp skeuring in die kerk wat nie tot voordeel van die Koninkryk is nie. En ‘n klomp verdagmakery- soos wat ek ook nou aan die lyf ervaar. Maar moenie te bekommerd oor my gemeente wees nie- ons groei in hierdie tye, want ons fokus op die regte dinge.

      • Mat. 7:15: “Pas op vir die vals profete. Hulle kom na julle toe in skaapsklere, maar in werklikheid is hulle verskeurende wolwe.”

        Hand.20:28 Pas julle self op en die hele kudde wat die Heilige Gees onder julle sorg gestel het. Soos wagters ‘n kudde versorg, so moet julle die gemeente van God versorg wat Hy vir Hom verkry het deur die bloed van sy eie Seun. 29 Ek weet dat daar ná my vertrek wrede wolwe onder julle sal indring, en hulle sal die kudde nie ontsien nie. 30 Ja, uit julle eie geledere sal daar mense na vore kom wat met leuens die gelowiges agter hulle aan sal probeer verlei. 31 Wees waaksaam.

        1 Tim. 1:3 Soos by my vertrek na Masedonië toe, dring ek nou weer by jou daarop aan om in Efese te bly. Daar is sekere mense wat vals leerstellings versprei, en jy moet hulle dit verbied.

        Ewald, die bevel van Jesus aan die leiers van die gemeente is Hard en Duidelik. Dominie, pas jou gemeente op. Beskerm hulle teen die dwaalleraars.

        Dit is natuurlik jou keuse of jy gehoorsaam gaan wees of nie.

        Maar ongehoorsaamheid aan God se opdrag is sonde. En sonde het altyd slagoffers. Moenie toelaat dat mense verlore gaan omdat jy nie aan God se aanspraak en opdrag oor jou lewe gehoor gegee het nie.

        Jy kan jouself eenvoudig nie uit hierdie geveg verskoon nie.

        As jy jou gemeente lief het sal jy hulle teen Ben du Toit en ander dwaalleraars beskerm. Jy sal dwalers aan die kaak stel, omdat die Liefde van Christus vir jou gemeente jou dring!

        Mag jou lewe so Christus-gesentreerd wees dat jy ook aan hierdie opdrag van hom gehoor sal gee!

        In Jesus se liefde

        Wynand

        • Wynand- ek ken al hierdie tekste ook. Ja, dis my verantwoordelikheid om dwaalleer uit my gemeente uit te hou. Hoe doen ‘n mens dit? Deur die evangelie suiwer te verkondig. Dis die suiwer evangelie van Jesus Christus wat keer dat mense verlore gaan. Dis wat in ons gemeente gepreek word.

          As jy dink ek het tyd om elke Sondag ‘n ander naam in jou blog te vat, huiswerk te gaan doen oor wat hulle sou dwaal, en teen hulle te gaan preek, dan maak jy ‘n groot fout!

          Anders gestel- as ek eendag alles vertel het van die reddende genade van Jesus, die lewe van oorwinning in Hom, die vreugde van die lewe wat deur die Heilige Gees se leiding kom- as dit alles klaar vertel is, sal ek dalk, net dalk ‘n prekie afstaan oor die duiwel se bestaan. Maar ek het nog net 20 jaar oor so ek dink nie daar gaan genoeg tyd wees nie. Ek gaan verseker nie anti-Ben/Nelus/Julian/Albert preek nie. My roeping is om Jesus, die Here, te verkondig. Dit gaan ek met my hele hart bly doen. Ek lees in die evangelie van die lieflike geur van Christus, nou vermaan jy my om eerder die vrot reuk van dwaalleerjagtery te verkondig. Ek is jammer- ek het nie ‘n anti-bediening nie.

          Ek weet nie wat Ben se leer is nie. Ek bly presies 1650 km van die Pick ‘n Pay sentrum in Melkbos af. Ek het nie sy boek gelees nie. So nee, die Here het dit nie oor my pad gebring om met hom daaroor te gesels nie. Het jy Mat 18 mooi gevolg? Het jy al saam met Ben gaan koffie drink, en hom gevra wie is Jesus vir hom?

          Is daar ‘n duiwel? Natuurlik is daar- kyk hoe geniet hy die verdeeldheid in die kerk!

  18. Ewald, jy is natuurlik reg.

    Die beste teenvoeter teen dwaalleer is om self die evangelie suiwer te verkondig. Ek is die eerste om hierdie beginsel te verkondig waar ek ook al kom.

    Maar die een sluit nie noodwendig die ander uit nie. En Jesus beveel beslis ook die ander.

    En jy het met jou legitimasie plegtig verklaar dat jy nie net die suiwer leer sal verkondig nie, maar ook alles in jou vermoë sal doen om dwaalleer uit die NG Kerk te weer.

    Jy word dus deur Jesus se opdrag en jou eed gebind tot die stryd.

    Iemand (moontlik Edmund Burke) het gesê, al wat nodig is vir boosheid om te gedy is dat goeie mense niks moet doen nie.

    Ek kan jou nie oortuig om aan Handelinge 20:28-31 gehoorsaam te wees nie. Maar ek verseker jou, Ewald, as genoeg mense soos jy nie opstaan teen dwaalleer nie sal die NG Kerk vernietig word.

    Kyk maar wat het gebeur by Tukkies: Daar is amper nie meer ‘n Christen in hulle teologie departement oor nie. Julian Muller is onlangs bevorder tot die pos van visie-dekaan. Hy verklaar in die openbaar dat hy self god is (panenteïsme). Hulle lei die volgende geslag predikante op. Hulle vernietig die geloof van jong Christene wat geroepe voel om die Here met hulle lewens te dien. Lees tog asb Ferdie Mulder se boek OPGESTAAN!

    Ben du Toit is Kommunikasie Beampte van die Algemene Sinode, en was sameroeper van die sinodale kommissie vir Leer en Aktuele Sake. Soos Muller glo hy dat die mens self god is, hy verklaar dit ondubbelsinnig in sy boek. Hy verwerp die sondeval. Hy verwerp Jesus se maagdelike geboorte en wonderwerke. Hy het geen probleem daarmee as mens Jesus se opstanding net as metafories sien nie. En hy is die NG Kerk se spreekbuis na die wêreld!

    Soos God sy Gees van Saul ontrek het, sal Hy vir seker sy Gees van die NG Kerk ontrek, as du Toit en Muller se dwaalleer verder, soos met die besluit oor die duiwel, deur die Algemene Sinode bekragtig word.

    Waar sal jou gemeentelede gaan as die nasionale NG Kerk die Evangelie amptelik versaak, soos Muller, du Toit en ander met alle mag probeer bewerkstellig? Is daar ‘n goeie Gereformeerde Baptiste kerk op jou dorp?

    Dink daaroor, Ewald. Ek weet hierdie is baie vir jou om in te neem op een slag.

    Vind uit wat regtig aangaan. Voed jou self op. Bo alles, bid vir wysheid en leiding van God.

    Ek glo werklik dat God jou roep om ‘n verskil te maak. Daar is 1.2 miljoen mense op die NG Kerk se boeke landwyd. Dit is die moeite werd om vir hulle te baklei. Jy kan ‘n verskil maak. God het die Rooi See gekloof – toe Moses sy staf op die water sit.

    As jy gehoorsaam is sal God net sulke wonderwerke doen.

    Wynand

    • Wynand, ek glo ek maak ‘n verskil waar die Here my geplaas het. Ek preek soos ek die Here Jesus se liefde verstaan. In my Ring en Sinode probeer ek myself uitleef. Maar meer op die terrein van Getuienis na buite, en dissipelopleiding.

      Ek is jammer, ‘n Inkwisisie is nerens nooit ooit op my tafel nie. Daar is kerklike kanale om die goed aan te spreek (soos Wes Transvaal se gravamen). Maar die verdagmakery! Byna nie ‘n Christen oor by Tukkies nie!? Ons gemeente het van verlede jaar af teologiese studente wat hulle gemeentejaar by ons doen. Ek het daarom kontak met ‘n hele paar van hulle gehad in ons terugvoersessies en proefpreke. As die kerk in die twee studente van verlede jaar en hierdie jaar se hande is, slaap ek baie lekker, dankie. Julle verdagmakery van Nelus Niemandt stink behoorlik- ek gaan luister graag na hom wanneer ek die kans kry. Daar is ‘n jong geslag dosente by Tukkies wat jy darem nou lelik van die tafel afvee met wye stellings. Dis my punt- Friendly Fire in die kerk. En daarmee wil ek niks te doen hê nie.

      Ek word uit die Inkwisisie geledere vermaan oor “die Waarheid”. Die Waarheid is ‘n Persoon (joh 14:6) en solank ek saam met Hom stap, is ek gelukkig.

      En die Gees onttrek- gaan doen weer eksegese oor 1 Kor 12- die Gees is met elkeen wat bely dat Jesus die Here is. Hy bind ons saam tot een liggaam. Die Here sal sy Gees nooit van sy kind of sy Liggaam onttrek nie. Dalk vergaan die NG gestalte daarvan. Dan doen die Here maar weer iets nuuts met dit wat oorbly. My roeping is om voluit met my gawes Hom en sy kerk te dien. Dit wat jy vra, is nie my gawes, my aard of my styl nie.

      En het ek dan nie dwaalleer aangespreek toe Drikus sommer so vir ‘n jong dame sê sy kan nie eers ‘n kind van God wees nie, wat nog te sê ‘n leraar? God roep iemand om sy kind te wees, en voor te berei vir ‘n baie moeilike bediening. En iemand anders staan langs die kant en blaf: nee- jy mag nie…

      Nee wat, julle gesprekke vorder nie met my nie. Ek hoor baie stemme op my skree. Maar nie die stem van my Meester daarin nie.

  19. Ewald, dit is regtig jammer dat jy dit sien as ‘n inkwisisie. Dit is totaal on van pas, soos ek bo vir jou uitgewys het. Die inkwisie het mense gemartel en vermoor. Hulle het families vernietig en geld gesteel. NG leraars het hulleself vrywillig aan die geestelike opsig van die kerk onderwerp – en vrywillig die legitimasie eed en dienskontrak onderteken.

    Jou verwysing na die volksmoord, marteling en boosheid van die inkwisisie laat ‘n ongelooflike wrang smaak in die mond. Ek weet van geen behoudende persoon in die debat op die oomblik wat ooit ‘n beskuldiging van so ‘n venynige, onvanpaste of liefdelose aard gemaak het nie.

    Miskien moet jy jouself inlig oor die teologie van die fukulteit by Tukkies.
    Lees asb hierdie artikel deur Julian Muller. http://www.teo.co.za/wmprint.php?ArtID=618

    Kan jy jou vereenselwig met Muller en du Toit se aansprake op godheid?

    Hy is ten spyte van hierdie anti Christelike teologie aangestel as visie dekaan.Kyk bietjie wat se uitsprake op hulle webblad teo.co.za gemaak word deur hulle webwerf se redakteur, Gerda de Villiers: Sy stel onbeskaamd dat Jesus nie in die Ou Testament voorspel word nie, dit ten spyte van Jesus se eie getuienis dat Jesaja 53 na Hom verwys.

    Miskien is ek ‘n bietjie kras met my oordeel dat daar nie ‘n Christen by Tukkies is nie, jy is reg. Maar as daar Christene by Tukkies is, WAAROM HET HULLE DAN VIR JULIAN MULLER, WIE DIE EVANGELIE ONBESKAAMD EN IN DIE OPENBAAR VERWERP, VISIE DEKAAN GEMAAK?

    Watter gevolgtrekking moet enigiemand maak, as iemand wat beweer hy is self god – lees die artikel by die skakel hierbo – bevorder word tot die tweede top posisie in die departement?

    As jy invloed by Tukkies gehad het, en jy was ‘n Christen, sou jy toegelaat het dat iemand wat die evangelie so doelbewus vertrap bevorder word of enigsins toegelaat om predikante op te lei?

    En die verdagmakery van Prof NIemandt?

    Ewald, voor jy daaroor uitspraak lewer, lees tog al die korrespondensie wat ek met hom gevoer het, sowel as sy 4000 woord artikel in kerkbode en my respons daarop.

    Niemand het hom verdag gemaak behalwe hy self nie – hy maak homself verdag deur te weier om te sê wat hy glo – dit is die feite. Bestudeer asb my respons op sy artikel in kerkbode in detail voor jy my links en regs platskiet met jou veroordelings!

    Ek het ‘n lang persoonlike pad met prof Niemand probeer loop voordat ek hom in die openbaar gevra het wat hy glo – waarom het hy my van meet as soos ‘n kind behandel en geweier om in eerlike, volwasse en oop gesprek met my te gaan? Waarom het hy, ten spyte van Muller se gepubliseerde verwerping van die Evangelie in bg artikel, op die Oostelike Sinode ontken dat daar enige dwaling by Tukkies is? Is hy heeltemal onkundig oor wat Muller glo – of ondersteun hy Muller dalk in sy teologie? Wie maak hom dus verdag behalwe hy self?

    Ewald, sê my nou eerlik. Onstel Muller en du Toit se teologie jou enigsins?

    Want as dit jou nie ontstel nie het jy, en dus ook jou gemeente, ‘n ernstige probleem.

    Kyk bietjie wat sê God vandag vir Muller en du Toit wat hulle self tot god verhef:

    Es. 28:6: “Daarom,” sê die Here my God, “omdat jy jou verbeel het jy is ‘n god, daarom gaan Ek ander nasies, wrede volke, teen jou laat optrek. Hulle sal die prag wat jou wysheid vir jou gebring het, met die swaard aanval en jou prag skend. Hulle sal jou in die graf in laat stort, jy sal die dood van ‘n gesneuwelde sterf daar op jou eiland in die see. Sal jy vir dié wat aan jou ‘n einde gaan maak, nog kan sê jy is ‘n god? Vir dié wat vir jou dood gaan sorg, sal jy ‘n mens wees, nie ‘n god nie.

    Geen volgeling van Jesus kan neutraal staan in hierdie saak nie.

    Verduidelik vir my op logiese manier uit die Bybel waarom die mens god is soos Muller en du Toit beweer, of, as jy dit nie kan doen nie, hou dan asseblief op om te praat van “Friendly Fire”.

    Groete

    Wynand

    • Wynand, ek het gesê ek sien myself nie as deel van ‘n Inkwisisie nie. As jy dit van toepassing op jouself wil maak, is dit jammer. Ek verstaan nie wat Julian Muller sê van Panenteisme nie. Ek het nie Ben se boek gelees nie. Ek het nie die geld om sommer net Kaap toe te ry en met Ben te gaan praat nie, en ook nie eers om gereeld in Pretoria te kom nie. Die kerk het sy kanale, waarvan ek nie tans deel is nie. Bedoelende die Kuratorium wat teologiese opleiding namens die kerk beoordeel. Ek is op die platteland. 130 km weg. Daar is baie meer bekwame mense om die dogmatiek te gaan beoordeel.

      Die probleem wat ek wel het, is dat mense so vinnig in ‘n kassie gedruk word. Wanneer hulle aangeval word, ervaar ek, luister die aanklaers nie regtig nie. Nelus Niemandt het by herhaling gesê wat hy glo, maar julle hoor hom nie. Ek weet nie hoe werk teologiese fakulteite nie. Ek weet nie hoe of hoekom Julian vise-dekaan is nie. Ek ken hom nie persoonlik nie. Ek het net soms kontak met die jonger dosente, en ken Danie Veldsman ook persoonlik. Ek dink dis nie billik om te sê dat daar byna geen Christene in die teologiese fakulteit is nie.

      Friendly Fire het ek die afgelope week aan my lyf ervaar, nie soseer deur jou nie. Valse klagfes is teen my ingebring by Nelus Niemandt. Die gevolg van ‘n klag van dwaalleer is dat my gesin daaglikse brood daarmee bedreig sou kon word.

      Maar ek is nou moeg vir hierdie gesprek. Ek gaan niemand nou aankla nie, want ek het nie hulle goed gelees nie. Ek gaan eerder lees wat vir my gawes en bediening opbouend is, en my gemeente daaroor inlig. Ek gaan Jesus die Here verkondig, ek het nie tyd om soos die toordokters van Dingaan die hekse uit te snuffel nie. Ek het al lankal wrang smake in my mond oor die vlak van gesprek in die kerk, die kerkbode, en in die openbare pers.

      So baie dankie vir die gesprek, en sterkte met jou stryd.

      Ewald

    • Ek het niks verder van Muller gelees as hierdie ou artikel van 2007 wat jy nou geplaas het nie. En in hierdie artikel sien ek geen melding dat ons God is nie! Dit is in ‘n akademiese tydskrif geplaas, en praat oor konsepte hoe die mens God verstaan- Deisme- God het alles geskape en toe gelos, om soos ‘n wekker stadig af te wen van die skepping af (my eie teologiese opleiding se definisie slaan dalk sterk hier deur…) . Teisme- God is nader, maar nog steeds ver. Panteisme- God is alles= Al drie hierdie konsepte word deur Muller afgewys. Hy is meer gemaklik met Panenteisme- God is terselfdertyd in ons lewens betrokke, en groter as die heelal, Immanent en Transendent. Al wat ek hier raaklees, is dat ons in die Post Moderne tye GROTER oor God moet dink. En weet jy, daarmee is ek heeltemal gemaklik. As die hele klag teen Julian Muller op hierdie basis gebou is, dan is dit ‘n Inkwisisie! Ek gaan waarskynlik dieselfde vind by Ben du Toit (wat ek herhaaldelik gesê het ek nog nooit ontmoet of gelees het nie.)

      So regtig Wynand, los my uit hierdie tipe gesprekke uit. . Ek dink soms raak van my teologiese kollegas net so ongelooflik moeg om altyd te moet verdedig dat hulle nie meer lus het om iets te sê nie.

  20. Ewald

    Ek dink dit is nodig dat jy jouself inlig oor panenteïsme. Nie jy spesifiek nie, maar elke predikant in die NG Kerk. Die rede is omdat dit die vraagstuk is waarby die NG Kerk gaan staan of val as deel van die Liggaam van Christus. Begin maar deur Muller se artikel hierbo te lees. Daarna kan jy my artikel daaroor lees by http://hierstaanek.com/2011/09/22/31/. Lees ook sommer my artikel oor Ben se boek by http://hierstaanek.files.wordpress.com/2012/02/ben-du-toit-resensie.pdf

    Ek verwag nie dat jy enigiemand moet aankla van dwaalleer nie. Maar as jy en ander leraars soos jy ingelig word, en dan standpunt inneem, het die NG Kerk werklik ‘n kans om te oorleef. Anders is daar nie hoop nie – ons sal maar almal by die plaaslike Baptiste moet aansluit.

    Miskien moet jy vir jouself vergewis waarom Julian vise-dekaan is. Dalk sal jy dan verstaan waaroor die bohaai gaan.

    Nelus het so ver ek weet net een openbare uitspraak gemaak oor een van die kwessies wat ek hom oor gevra het: Die opstanding.

    In sy openbare uitsprake wat ek wel gesien het, het hy uitgesproke panenteïste soos Jurgen Moltmann en Julian Muller ondersteun. In sy boek, Nuwe Drome vir Nuwe Werklikhede, omarm hy ‘n anti-Chrsitelike epistemologie, die postmodernisme, onkrities. Hy het om ‘n radio-onderhoud in Oktober verlede jaar net kort gestop daarvan om die bestaan van die duiwel te verwerp. Hy het die leer oor die bestaan van die duiwel in dié onderhoud in die openbaar probeer belaglik maak en dit verdag gemaak. Hy praat ook gloeiend positief van bekende dwaalleraars soos Brian MacLaren, Rob Bell en Tony Jones. Tydens sy radiodebat met Prof Johan Janse van Rensburg het hy Tony Jones positief aangehaal.

    Tony Jones beskou die leer van die sondeval, en Jesus se dood aan die kruis om vir ons sonde te betaal, as barbaars.

    Is Nelus skuldig aan die dwaling van die mense wat hy aanhaal, beskerm, en homself dus mee vereenselwig? Ek weet nie. Maar dit plaas ‘n ongelooflike vraagteken oor wat hy glo.

    Vir Nelus om te verkondig dat almal weet wat hy glo as gevolg van sy openbare uitsprake, en hy dus nie hoef te antwoord op vrae nie, is uiters kommerwekkend. Dit is juis oor hierdie openbare uitsprake van hom oor ‘n lang tyd dat ingeligde mense werklik wonder waar sy ware geloof lê.

    Ek is jammer dat iemand jou by Nelus gaan verkla het, ek is nie bewus van enige dwaalleer aan jou kant nie. As jy onskuldig is, moes die ervaring vir jou emosioneel ondraaglik gewees het. Weet dan dat Jesus juis gesê het dat die wat ter wille van Hom vervolg word geseënd is. As jy wel skuldig is kan jy ontspan, Nelus sal jou in elk geval nie aanspreek nie – hy het Julian Muller dan op die Oostelike Sinode in die openbaar van alle blaam onthef toe hy onomwonde verklaar het dat daar nie dwaalleer by Tukkies is nie! Die kerkregtelike pad is in elk geval om jou by jou ring te verkla – nie by Nelus nie.

    Onthou net, leraars in die NG Kerk wat die belydensiskrifte van die kerk verwerp en steeds aanbly in die kerk se diens pleeg bedrog. En mense wat glo hulle is god gaan hel toe. Die Bybel is baie duidelik daaroor.

    Ek kan verstaan dat jy nie meer lus is vir die gesprek nie. Dit is emosioneel uitputtend en ontstellend. Maar miskien is dit die kruis wat Jesus vandag wil hê jy moet dra – deel van die kruisopneem wat elke volgeling van Jesus daagliks moet doen.

    Ek beklemtoon weer: As leraars soos jy wat nog die Evangelie van die Gekruisigde Christus aankleef hulleself nie inlig, opstaan en standpunt inneem teen die bose, antichristelike leerstellings van mense soos Julian Muller en Ben du Toit nie, het die NG Kerk geen kans nie.

    Mag jy en jou gesin werklik Jesus se vrede vandag ervaar!

    Wynand

  21. Ewald, jy is duidelik oningelig oor panenteïsme.

    Die verskil tussen panteïsme en panenteïsme is bloot dit:

    In panteïsme is god beperk tot die skepping en het hy geen transendente aard nie.

    In panENteïsme is god ‘n dipool: Hy is transendent, dus groter as die skepping maar hy het ‘n immanente pool wat beperk is tot die skepping – presies soos panteïsme.

    In panteïsme is god die skepping. In panenteïsme is god ook die skepping, maar god is meer as die skepping.

    Daarom beskryf panenteisme die verhouding tussen god en die skepping in die volgende terme:

    –Die skepping is deel van god. (part-whole)
    –Die skepping is die liggaam van god (mind- body)
    –Die skepping gaan uit van / spruit voort uit god (emanate from god)

    Die belangrike wat jy moet verstaan is dat daar in beide panteïsme en panenteïsme geen ontologiese onderskeid is tussen god en skepping nie.

    Die maklikste manier om panenteisme te verduidelik vir ‘n Christen is aan die hand van Jesus. Ons glo Jesus is volmaak God. Maar Jesus is ook volmaak mens. Hy het 100% die menslike natuur aangeneem. Ons glo dus Jesus is ‘n dipool: Hy het ‘n ewige, ongeskape transendente pool en ‘n geskape, menslike immanente pool.

    Vir die panenteïs is die hele skepping presies soos Jesus. Jesus is nie uniek nie. Jesus is wel god, soos die res van die skepping, ek en jy inkluis, ook god is. Hulle doen dus alles in hulle vermoë om Jesus se uniekheid soos in die Bybel openbaar te vernietig. Dit is waarom Abel Pienaar op sy kerk se webwerf praat van die “Reis van homo sapiens tot home christos” Ons is almal Christus. Ons is almal god. http://www.renaissancegem.co.za/

    Die implikasies hiervan is verreikend.

    — God kan nie net goed wees nie, omdat alle boosheid in god plaasvind, is god ook sleg. Onhou dat Hitler, Mao, Pol Pot almal god is!
    — Die sondeval is nie moontlik nie, omdat totale verdorwenheid soos die Dortse leerreels ons na aanleiding van die Bybel leer onmoontlik is as almal god is.
    — Die skepping het plaasgevind, nie as ‘n wilsdaad van God nie, maar as devolusie uit god. Boosheid is eenvoudig die gevolg van die skepping se onbewustheid van sy eie godheid! Hierdie leerstelling is 100% oorgeneem uit hindoeisme en buddhisme. Dit is hoekom du Toit in sy boek verklaar dat boosheid die natuurlike gevolg is van hoe die skepping geskep is. Dit is ‘n platante verwerping vand ie leer van die sondeval. Dit is waarom Tony Jones, een van Nelus se skynbare helde, beweer die leer vna die sondeval is barbaars.
    — Verlossing lê nie daarin dat ons op grand van Christus se kruisdood wederbaar word nie, dit lê daarin dat ons moet besef is is god. (Die New Age noem dit “Enlightenment” ). DIt is die reis waarvan Abel Pienaar praat: Ons reis van homo sapiens na homo christos.
    — Christus het dus volgens hulle nie aan die kruis gesterf om ons skuld te betaal en God se woede teen die sonde te “propitiate” nie. Christus het gesterf om hoogstens vir ons ‘n voorbeeld te wees van opofferende liefde. En sy hemelvaart is vir ons die voorbeeld om na te volg: Soos Jesus vergoddelik het sal ons ook vergoddelik – wanneer ons besef ons is god.
    — Ons verlossing is dus van onsself afhanklik: Om deur mistiese praktyke (Lees maar weer Abel se webwerf) tot die besef te kom ons is self gor.
    –DIe bestaan van die duiwel word verwerp omdat die bestaan van ‘n suiwer bose entiteit onmoontlik is in panenteïsme -selfs die duiwel is ontologies gelyk aan god! Dit is waarom du Toit die klousule oor die bestaan van die duiwel in die konsepresolusie vir verlede jaar se sinode gesit het: Dit is die tippie van die ysberg van panenteïsme!!
    –Net soos die duiwel ‘n logiese onmoontlikheid is in panenteïsme, is die hel ontmoontlik. Daar kan eenvoudig geen plek wees waar God nie teenwoordig is nie, omdat god die skepping is.
    –Hulle verwerp ook die opstanding van die vlees: omdat die materiele skepping boos is (gnostisisme. Kyk bietjie of jy die woord op Abel se webwerf kan sien) en die gees goed is maak die fisiese opstanding van die vlees geen sin nie. Daarom sê du Toit dat die opstanding gesien moet word as die voortbestaan van die gees in die energie van god, en verklaar hy in ‘n onderhoud op Litnet dat hy nie ‘n probleem daarmee het as mens die opstanding as metafories beskou nie.

    As jy nou du Toit se boek en Meller se uitsprake gaan lees met hierdie kennis ingedagte sal allesskielik vir jou sin maak. Al die afsonderlike dinge wat hulle verdag maak: Die sondeval, Jesus se uniekheid. Sy maagdelike geboorte en sondeloosheid. Sy opstanding. Die betekenis van sy kruisdood. Die hel – al hierdie verwarrende dinge maak sin as jy die groter prentjie sien. DIt is nie die CHristelike godsdiens wat jy van geleer het in sondagskool nie. DIt is iets totaal anders, wat meer lyk soos buddhisme as die godsdiens wat ons aanhang.

    Ek wil jou graag verwys na Cooper se boek oor panenteisme, die enigste volledig studie daaroor sover ek weet. Ek het hierdie goed nie uit my duim gesuig nie. Ek het nie een oggend wakker geword en besluit ek wil iemand “uithaal” nie. Ek het werklik ‘n deeglike studie van die saak gemaak voordat ek dit enigsins in die openbaar gebring het.

    Die boek is hier te kry: http://www.amazon.com/Panentheism-Other-Philosophers–From-Plato-Present/dp/0801027241/ref=sr_1_1?ie=UTF8&qid=1342113853&sr=8-1&keywords=cooper+panentheism

    Moenie my woord vir enigiets neem nie, Ewald. Lig jouself in. Toets wat ek sê aan wat jy kan uitvind oor panenteïsme – uit betroubare bronne. Maar bo alles toets dit aan die Bybel. As Abel Pienaar reg is, is ons almal god soos Jesus God is, is Jesus nie uniek nie. Dan is die apostoliese geloof wat ons aanhang eenvoudig vals.

    Julian Muller en die Bybel kan nie gelyk reg wees nie. Elke leraar in die NG kerk sal in die volgende jaar moet besluit aan watter kant van die streep hy staan.

    Wie gaan jy aanbid Ewald? Die God van die Bybel wat die hemel en aarde geskape het, of jouself, op reis na homo christos?

    Julian en Ben wil hê jy moet jouself aanbid. Kies jy maar.

    Wynand

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s