Spieëltjie spieëltjie aan die wand, wie is die hêppieste diertjie in die land?

Die BBC se berig het dadelik my aandag getrek: Donkey’s stage and screen life story told in new book…

Ek het dadelik gewonder of my lewensverhaal uiteindelik iemand geïnspireer het…  Maar nee, nog nie… dit was toe die verhaal van ‘n verlangse familielid- Polyanna. So lyk die niggie…

Ek is altyd dankbaar as ‘n donkie iewers ‘n beter lewe

Polyanna net buite die Royal Opera Theatre vir haar optrede in CArmen- http://news.bbcimg.co.uk/media/images/63887000/jpg/_63887860_roh.jpg

gevind het, en toe uiteindelik die Salamifabriek ontsnap het!  Haar lewe was eers gekenmerk deur mishandeling, dit was amper so erg soos om ‘n Bosvelddonkie voor ‘n gehawende donkiekarretjie te wees wanneer sy baas pay gekry het, en sy tswala in die dorp gaan koop het. Dis nie so lekker om die hele dag lank gedon… slaan te word omdat die baas sjukkel om reguit te ry nie…

Om in die Royal Opera Theatre in Carmen te speel, is natuurlik ‘n fantastiese prestasie vir ‘n nederige donkie- sy verdien haar boek! Ek hoop dit word ‘n topverkoper. Hulle kyk amper so mooi na haar deesdae soos daardie wonderlike mense by Eseltjiesrus by MacGregor na die res van my familie kyk…

‘n Donkie het maar ‘n hondelewe… Seker nie die hêppieste dier nie. Hulle het dan altyd lang gesigte! Maar ek dink ek het vanoggend met my eie oge gesien hoe die gelukkigste dier op aarde lyk. My jongste se vriend se ouers het vanoggend ‘n fantastiese produksieveiling op hulle Brahmaankudde gehad net buite Warmbad. Dit was nou weer iets lekkers en anders om by te woon as Bulletjierugby.  Hierdie lyne van Brahmane is regtig groot, en baie mooi beeste. Ek het as dorpsjapie nie geweet dat daar mense gaan wees wat sommer R90 000 uithaal vir ‘n dragtige koei, wat deur die regte stoetbul gedek is nie.  Daar was ie mooiste kalfies saam met hulle koeimoeders  verkoop, die jongste een is vanoggend in die vendusiekrale gebore. Nee, nie een van hierdie diere is nou al op pad biltongrakke toe nie.

Die hoogtepunt van die dag was vir my die opveil van die kampioenbul- Ou Petrus. En Petrus het my woes verbaas. Ek dog Brahmane is altyd demonies besete van woedendgeit vir alles wat kan beweeg. Toe nou nie. Jongste se vriend ry sommer op Petrus se rug die vendusiering binne…

Uiteindelik is Petrus toe vir R 400  000 van die hand gesit…  En sy “strooitjies” vir R2000 elk verkoop…

Dis dalk die lekkerste lewe vir ‘n dier- om ‘n R 400 000 Brahmaan stoetbul te kan wees (Nee, ek was nie self by daardie veiling waar ‘n Buffelbul sonder TB vir R42 miljoen verkoop is nie…) Maar ek verstaan nie mooi nie, die bul kom nie by die koeie nie, klink dit vir my… daar is ‘n veearts en ‘n strooitjie betrokke… dit leer hulle glo by Onderstebopoort…

Wie is ek? Is ek nou net ‘n verwaarloosde donkiereun, is ek dalk ‘n gewaardeerde Stoetbul? Of dalk net ‘n mens wat more moet waag om te preek oor die Seun van God wat na ‘n skare gekyk en hulle innig jammer gekry het oor hulle soos skape sonder ‘n herder was (Matt 9:35)  Een wat Saterdagmiddag half vyf nog nie ‘n preek gereed het nie?

3 thoughts on “Spieëltjie spieëltjie aan die wand, wie is die hêppieste diertjie in die land?

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s