So lyk my dag…

Toorts het so mooi gevra- maar my antwoord is baie soos hare- geen twee dae lyk dieselfde in my lewe nie!

Daar is die ou storietjie van die jong proponentjie wat een Sondag in sy eerste gemeente bevestig is. Die Maandag oggend vroeg het hy so agter sy lessenaar gaan sit, en gewonder wat hy vandag alles moet doen. Net toe het sy telefoon gelui, en hy het nooit weer gewonder nie… In my lewe, persoonlik en professioneel, vrees ek maar die telefoon (soos Woensdag oggend!) Een oproep kan ‘n dag, week, maand se beplanning heeltemal omver gooi.

Maar die vraag sou wees: hoe lyk die gemiddelde dag.  Kom ek vat maar die gemiddelde Dinsdag- hulle is amper die meeste voorspelbaar in my lewe:

05h30- Opstaan vir 40 km fietsry (as ek dit regkry om op te staan!)

07h00 Kom tuis, eet en stort

07h30- 08h30 Laaste oorgaan van my Bybelstudie, epos kyk, dalk vinnig ‘n paar blogs scan

08h30 Kerkkantoor toe, korrespondensie en navrae help hanteer

09h00- 10h00 Gemeente Bybelstudie

10h15- 13h00 Siekebesoeke, Ouetehuisbesoeke, Pastorale sessies

13h00- 14h15 Middagete

14h15-16h00 Opleeswerk, voorbereiding vir preek Sondag, of pastorale sessies

16h00- 21h00 Huisbesoek

21h00 Aandete, gesels met my vrou, televisie, gewone boeke lees (nie teologies nie…)

23h00 Gaan slaap

 

Maar een oproep kan so ‘n dag totaal verander. Ek kan vir ure by ‘n sterfbed gaan sit. Of iemand gaan bystaan wat so pas ‘n groot verhoudingskrisis opgetel het… daar is so baie veranderlikes.

Dit is niks vreemds dat ‘n Dinsdag oor die 14 ure aan diens het nie…  Dis hoekom daardie grappies van dominees wat net twee ure per week werk, die helfte van die tyd met hulle oë toe, nie altyd vir ons so snaaks is nie.

Maar ek het hierdie lewe gekies omdat ek die Here liefhet, en omdat ek graag vir mense iets wil beteken, en hulle lewens beter wil help maak.

Ek hoop dit help om so effense insig te kry!

 

2 thoughts on “So lyk my dag…

  1. Ek wil nie ‘n dominee wees nie, jy het heeltemal te min tyd vir jouself! En vir jou huisgesin. Dan wil mense nog aanmerkings maak dat ‘n dominee nie werk nie! 👿

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s